TOP

By'oba okola okufuna mu mobayiro mmane

By Musasi wa Bukedde

Added 11th April 2018

Nkola 500,000/- omwezi mu bizinensi ya mobayiro mmane ekinnyambye okutandika bizinensi y’okusuubula amasimu.

Webmobilelubyayi 703x422

Mathew Lubyayi ng'ali w'akolera.

Bya IVAN SSERWADDA              

OMULIMU gw’okuweereza n’okufuna ssente ku ssimu gwettaniddwa abantu wadde gujjudde okusoomooza mu bibuga ne mu byalo. Mathew Lubyayi, ow’e Kanyanya akola mulimu guno era akulaga bw’agutambuza n’asobola okufunamu wakati mu kusoomoozebwa.

Nnalina okusooka okufuna layini ya Agenti n’erinnya lya bizinensi okuva mu kkampuni ey’ebyempuliziganya. Oluvannyuma kikwetaagisa okugenda mu kitongole ky’ebyemisolo mu ggwanga ekya URA okufuna nnamba ya TIN ng’eno ekuyambako okusasula omusolo.

Natandika ne 2,000,000/-, kwe natoola 120,000/- ne nkozesa akapande  akalaga omulimu, 60,000/- zaagenda ku kufuna linnya lya bizinensi ne layini ya Agenti. TIN yammalako 20,000/- ate 250,000/- nazeeyambisa mu kusiiga langi emmyufu n’eya kyenvu ku nzigi ne mu nnyumba okwongera okulanga bizinensi yange. Ate 1,550,000/- nazikozesa nga kapito akozesebwa bakasitoma.

By’olina okumanya ng’otandika

Okusinziira ku mateeka agabaweebwa kkampuni z’ebyempuliziganya, tewali akkirizibwa kuggya ku kasitoma ssente ez’obuliwo nga ba Agenti abamu bwe bakola, ensasula yonna ekolebwa ku ssimu.

Ebirungi bye nfunye mu bizinensi eno

Nfunyeemu ssente ze nkozesezza okusuubula amasimu.

Nsobola n’okwebeezaawo mu bulamu obwabulijjo.

Ebisoomooza bye nsanga

Kapito nkyalina mutono nga bakasitoma oluusi bajja nga baagala ssente nnyingi ate nga siziweza.

Ssente z’obupangisa nnyingi ate ng’emyezi egimu sikola nnyo.

Emisolo mingi ng’ate ennyingiza ebeera ntono.

Omulimu guno gujjuddemu abafere abakozesa olukujjukujju okutubbako ssente.

Ekifo kye nkoleramu mu biseera by’enkuba kiremesa bakasitoma okukyama.

Ennyingiza

Bwe mbeera nkoze nnyo, omwezi nfuna 500,000/-, bwe ntoolako ssente z’obupangisa 230,000/-  ne 70,000/- ze nkozesa ku kulya n’ebyetaago ebirala olwo mbeera nfissa 200,000/-.

More From The Author

Emboozi z’omuwandiisi endala

Emboozi endala

Kig7 220x290

Omugagga Ham azzeemu ebibuuzo 20...

Omugagga Ham azzeemu ebibuuzo 20 ku katabo ke n'obulamu bwe.

Abamukubakulembezebekasawoababaddebeetabyemulukungaanaluno 220x290

Ab'e Kasawo bakukkuluma olw'ababasaba...

“Twetaaga okumanya ekituufu ku nsonga z’okwewandiisa oba nga ssente ziteekeddwa okusasulwa tusabe obuyambi okuva...

Kabuta2 220x290

‘Temwongeza bbeeyi ya nnyama ku...

Abatemi b'ennyama abeegattira mu kibiina kya, “Kampala Butcher Trader’s Association” (KABUTA) ekikulemberwa Sennabulya...

Ras22 220x290

Bakitunzi ba Rashford bamutaddeko...

Rashord, 21, yava mu akademi ya ManU okwegatta ku ManU kyokka waliwo ebigambibwa nti Barcelona emuperereza.

Barnabasnawangwe703422 220x290

Makerere University esabye Gav't...

YUNIVASITE y’e Makerere esabye gavumenti egyongere obuwumbi 47 ziyambe mu kukola ku by’okusasula emisaala gy’abakozi...