TOP

Emirimu gy'oyinza okutandikirako ne weekulaakulanya

By Musasi wa Bukedde

Added 9th August 2018

Abavubuka bangi balowooza nti olumala okusoma balina kunoonya mirimu egitakyalabika era ekyo nakyo ne gufuuka mulimu. Wuuno Kenneth Wasswa akuwa amagezi ku ngeri y’okwekozesa n’oyingiza ssente nga bw’onoonya ebirala.

Kenethwasswawebuse 703x422

Wasswa ng'ali mu dduuka lye ly'addukanya kati

 

Bya Prossy Nababinge

BULI muvubuka agenda ku ssomero aliko ekirooto ku ky’ayagala okubeera. Ebirooto ebimu bituukirira so ng’ebirala tebituukika era kino kye kisinga okweraliikiriza abasinga.

Kenneth Wasswa, omu ku bavubuka abaasalawo obutalera ngalo ng’amalirizza emisomo gye. “Mu kiseera nga nsoma, natandika okukola emisubbaawa awaka era we natuukira okumaliriza emisomo nga nnina ku ssente.

Zino ze nneeyambisa okutandikawo bizinensi yange era nga mu kiseera kino nneekozesa.

Nkubiriza abavubuka obutanyooma mirimu n’okwagala ekyo kye bakola newankubadde nga kiyinza okubeera nga kyawukana ne kye baasomerera.

Okukola omulimu gwonna kutandika na kwagala era mu kiseera nga ndi mu luwummula oluwanvu lwa siniya eyoomukaaga nasalawo okusoma satifiketi mu kufumba era bwatyo natandika okukola cookies n’obundaazi nga mbutambuza mu masomero.

Ekiseera kyatuuka nga nnina okweyongerayo okusoma era maama yampa amagezi njige okukola emisubbaawa.

Yamba n’entandikwa ya 600,000/- era gye byaggweera eno ye bizinensi eyampeerera ku Buganda Royal University gye nasasulanga 800,000/- wabula nga maama annyongerezaako entonotono.

Nasomanga bwe nkola emisubaawa kwe nagatta okulunda embizzi. Nasooka kugulayo bbiri ku 100,000/- buli emu ne zizaala obuto  munaana awo ne nsimbula saddirira.

Nga nkyali mu misubbaawa n’okulunda ate waliwo omuntu eyampa amagezi okusuubula ebyamasannyalaze. Omusaala gwe nali nfuna eno gwali mutono wabula nasalawo okugutwala ng’essomo era ekiseera kyonna kye namalayo sikyejjusa.

Nga njize bizinensi eno bw’etambula, natandika mpola okukwata ssente ze nabanga nterese ne nsuubulamu ebintu ne mbitundira mu bya mukama wange oluvannyuma lw’okumusaba olukusa.

Oluusi, ebimu nabigulanga mbitereka era we natuukira okuva ewa mukama wange nga mpezezza ebintu ebitandika edduuka.

Nnatandika n’essa limu wabula mu kiseera kino nagaziwa era nneekozesa.

Amagezi ge mpa abavubuka kwe kutandikira ku mirimu gye basola okukola nga tebataddeemu ssente nnyingi bagende nga bayiga mpola bizinensi olwo lwe banaakulaakulana okusinga okulinda okukozesebwa.

Egimu ku mirimu gy’osobola okutandikirako kuliko; Okusuubula obuntu obutonotono kyokka nga byetaagibwa naddala ebyokwewunda by’abakyala, emirimu gy’okukuba ebifaananyi, okusiika obumpwankimpwanki n’emirala egiteetaagisa kapito mungi okutandika.

 

 

 

More From The Author

Emboozi z’omuwandiisi endala

Emboozi endala

Mala1 220x290

BUKEDDE W’OLWOMUKAAGA AFULUMYE...

Mulimu abayizi 5 abasinze mu buli ssomero mu disitulikiti ez’enjawulo. Tukugattiddeko n’ebifaananyi byabwe nga...

Morning 220x290

Obulamu bw’okweyombekera kkoyi...

OBULAMU obw’omu bumenya! Bayibuli ekirambika nti ekitonde ekisajja kineegattanga n’ekitonde ekikazi ne bakola obufumbo...

Ssenga1 220x290

Bakwana batya?

Ekizibu kye nnina kya nsonyi ate nga ndi muvubuka wa myaka 21. Ntya n’okugamba ku muwala yenna. Ssenga nsaba kunnyamba...

Yaga 220x290

‘Muntaase puleesa egenda kunzita...

MUSAJJA mukulu Ssaalongo Vincent Kigudde 78, awanjagidde akakiiko akabuuliriza ku mivuyo gy’ettaka kamuyambe ku...

Nyanzi 220x290

Dr. Stella Nyanzi alemedde e Luzira...

Dr. Stella Nyanzi ajeemedde ebiragiro bya kkooti bw’agaanye okulinnya bbaasi y’abasibe emuleeta ku kkooti nga bwe...