TOP

Bayiiyizza sigiri eneetaasa obutonde bw'ensi

By Musasi wa Bukedde

Added 25th September 2018

Obutonde bw'ensi busaanyiziddwaawo abantu mu kwokya amanda, okutema enku n'ebirala ng'obwetaavu bw'okuyiiya ebintu ebikozesebwa nga bitaasa obutonde bw'ensi kwetaagisa.Yiino esigiri ekoleddwa okutaasa obutonda nga tekaluubirizza bulamu bw'abantu.

Mic3webuse1 703x422

Michael Oboth ng'alaga enkozesa y'essigiri eneeyamba okukuuma obutonde bw'ensi

Bya Mary Nambwayo

Mu kaweefube w’okukuuma obutonde, ebibiina n’abantu ssekinnoomu bavuddeyo okukola sigiri, amanda, ebikozesebwa okukuma essigiri n’ebintu ebirala bingi n’ekiruubirirwa kino ate n’okwanguyiza abantu ssaako okukekkereza obudde nga bategeka ebyokulya.

Mu mwoleso ogwategekeddwa ku kisaawe kya UMA Show Ground e Lugogo abantu ab’enjawulo boolesezza ebintu bye bakola nga bayita mu mitendera egy’enjawulo basobole okukuuma obutonde era twayogeddeko n’abamu ku bye batunda n’okukola okulaba bwe bituukiriza omulamwa.

 both ngalaga swiiki ekendeeza nokwongeza omuliro ku sigiri eyakoleddwa Oboth ng'alaga swiiki ekendeeza n'okwongeza omuliro ku sigiri eyakoleddwa

 

Micheal Oboth ow’e Kampala agamba nti, balina essigiri eyitibwa Envirofit Super Saver Stove ng’eno okugikola kyava mukunoonyereza okwakolebwa Bbanka y’ensi yonna, minisitule y’ebyamasannyalaze n’abantu bannakyewa.

Ekiruubirirwa ky’okukola sigiri eno kwali kubeera ng’esobola okukomya enkyukakyuka y’obudde n’okukomya okwonoona embeera y’obudde, okukomya obulabe obuva ku mukka.

Eno era eyamba okukekkereza amafuta, amanda n’enku ebivaako okusaanyaawo ebibira, era ekigero kyayo eky’okukendeeza kiri ku bitundu 58 ku 100.

Efumba mangu, ekendeeza omukka ku bitundu 68 ku 100, ate ng’okozesebwa buli wamu.

ssigiri nga bwe zifaananaEssigiri nga bwe zifaanana

 Enkozesa yaazo

Ogikuma okozesa amanda n’ebikozesebwa ebirala, wabula erina swiiki eyongeza n’okukendeeza bw’oba ofumba.

Ebbeeyi yaayo esinziira kukifo w’ogiguzo n’agikuguza wabula nga bw’ogikwata obulungi ewangaala.

More From The Author

Emboozi z’omuwandiisi endala

Emboozi endala

Namatambaga1 220x290

Muwala wa Katikkiro Mayiga agattiddwa...

Muwala wa Katikkiro Mayiga agattiddwa ne kabiite we mu kitiibwa

Kiru10 220x290

Abavubuka mwagale nnyo ensi yammwe...

Abavubuka mwagale nnyo ensi yammwe nga Kirumira bwe yakola - Bobi Wine

Twa 220x290

Museveni agguddewo olutalo oluggya...

PULEZIDENTI Museveni atongozza kaweefube ow’enjawulo agenderera okumalirawo ddala Siriimu omwaka 2030 we gunaatuukira....

Many 220x290

Eyazadde abaana 5 omulundi gumu...

Honoranta Nakato, 44, abaana yabazaalira mu ddwaliro lya Women’s Hospital ,International and Fertility Centre e...

Dpn6kdew0aa2dy 220x290

Putin asuubizza okuyamba Uganda...

PULEZIDENTI wa Russia, Vladimir Putin, akubagizza Uganda olw’okufiirwa abantu abasoba mu 46 abaabuutikiddwa ettaka...