TOP
  • Home
  • Yiiya Ssente
  • Ssekukkulu ngiranga mu bakasitoma nga bukyali ne nfuna amagoba agawera

Ssekukkulu ngiranga mu bakasitoma nga bukyali ne nfuna amagoba agawera

By Musasi wa Bukedde

Added 27th November 2018

Ng'onaafuna mu biseera bya Ssekukkulu olina kuzuukusa bakasitoma nga bukyali n'ogibateekamu ku mpaka.

Xmas6webuse 703x422

Ssengayuva ng'aguza bakasitoma ebya Ssekukkulu

Bya Emmanuel Ssekaggo
Omuntu bw’aba musuubuzi alina okubeera omutetenkanya ennyo okusobola
okubufunamu. Ali Sengayuva, muvubuka ate nga naye musuubuzi, akolera
Kamwokya era ng’atunda bizannyisibwa by’abaana n’okutunda ebintu
by’omu nnyumba ebikozeeko.
Sengayuva agamba nti, ebiseera by’ennaku enkulu abirindirira era alina obukodyo obumuleetera bakasitoma n’akola ssente.

Annyonnyola bw’atega ssente mu kiseera kino:

Natandika okutimba ebya Ssekukkulu mu November olwo abantu ne ntandika
okubateeka mu mudigido gw’amazaalibwa. Nkikola bukyali nga njagala okukwasa bakasitoma kuba buli alaba ebya Ssekukkulu nga tannaba kubiraba walala aba afaayo n’okumanya bye ntunda era ekivaamu ng’agula.
Okutimba ebya Ssekukkulu mu budde kyafuuka kitindu ku bulamu bwange kuba ndowooza mu Kamwokya kumpi osanga ne mu Kampala yonna nze nsooka okumanyisa abantu nti Ssekukkulu etuuse.

 sengayuva ngatimba ebitimbisibwa ebya sekukkulu Ssengayuva ng'atimba ebitimbisibwa ebya Ssekukkulu

Olw’okuba nsinga kutunda bizannyisibwa by’abaana, buli muzadde ayitawo nga ntimbye aba asikirizibwa okugulira omwana we eky’okuzannyisa wabula nga kino kivudde ku kutimba kwe mbeera nakola mu budde.
Era mu ngeri y’emu bwe ntimba n’abatalina ssente mu kadde ako bajja ne balaba bye ntunda olwo ne bampa olunaku lwe banaakomawo okugula nga bafunye ssente. Olwo okutimba kuba kunnyambye okufuna kasitoma
ow’omu maaso.
Ate era okutimba kunnyamba n’okukola erinnya kubanga kati mu Kamwokya wonna bammanyi ate buli musuubuzi yenna bw’aba amanyiddwa ebintu bye biba bijja kutambula bulungi kubanga abaguzi baba bamwettanira.

Obukodyo bwe nkozesa
1.  Bwe mbeera ntimba nsinga kufa ku mataala era ekiro edduuka lyange lyonna liba lyakaayakana ng’omuntu ne bw’aba ali wala
aba asobola okusikirizibwa okujja okulaba biki bye ntunda era ekivaamu kuba kugula.
2. Obuti bwa Ssekukkulu nabwo mbuleeta. Mu November mbeera mmaze okubugula era abantu bazooka kubulabira wange ne bagula n’abasuubula ne batandika. Buno nabwo bukola kinene okunsikira bakasitoma.

sengayuva atimba nateekawo nebisikiriza ebirala omuli leediyo ne ttivvi ssaako obumuli nga byonna bisikiriza abaguziSsengayuva atimba n'ateekawo n'ebisikiriza ebirala omuli leediyo ne ttivvi ssaako obumuli nga byonna bisikiriza abaguzi


3. Nnyambala ebikoofiira bya Ssekukkulu era na buli gwe nkola naye mbeera nnina okubimugulira. Kino kikola nnyo mu kusikiriza bakasitoma okujja.

4. Nkuba ennyimba z’amazaalibwa ku mizindaalo gyange kati buli ayita ku kkubo ne bwaba tafudde ku bitimbiddwa waakiri awulira ennyimba zino. Bw’aziwulira okumala
akabanga era lukya lumu n’akyama n’angulako.
Abasubuuzi tuleme kulowooza nga bali abatasuubuula nti bo Ssekukkulu bagyetegekera wabula wiiki emu, ffe tulina kugitegeera nga Bazungu.
November bw’atuuka tutandikirewo okusuubula ebya Ssekukkulu nga kw’ossa
n’okutimba olwo bakasitoma bajja kutwettanira sizoni ogifunemu.

More From The Author

Emboozi z’omuwandiisi endala

Emboozi endala

Funa1 220x290

Omuwala omulala bamuwambye ne bamutta...

OMUWALA omulala azuuliddwa ng’attiddwa mu bukambwe omulambo gwe ne bagusuula okumpi n’omwala e Namasuba mu Kikajjo....

Papa 220x290

Maama Fiina agulidde Abasiraamu...

ABASIRAAMU baweereddwa amagezi okukomya okulowooleza mu kulwanagana ng’engeri yokka ey’okumalawo obutakkaanya nga...

Stella 220x290

Stella Nyanzi agobye abamweyimirira:...

STELLA Nyanzi yeecwacwanidde ku kkooti ya Buganda Road n’agaana mikwano gye n’aba famire ye okuddamu okumweyimirira...

Funayo1 220x290

Abawaabi ba Gav't beegayiridde...

ABAWAABI wa gavumenti mu musango gwa Kitatta beegayiridde kkooti y’amagye e Makindye esingise Kitatta ne banne...

Goba 220x290

Emisota gigobye Pulezidenti wa...

EBYEWUUNYISA tebiggwa mu nsi. Emisota egyagobye Pulezidenti wa Liberia, George Weah mu ofiisi nakati gikyatabudde...