TOP

Mwesigwa okutunga engatto kumuliisa nga muloodi

By Musasi wa Bukedde

Added 8th May 2019

Bagamba ensi kuyiiya naye Asaph Mwesigwa ayiiyizza okutuusa lw'atuuse ku lyengedde.

Mwesigwa1 703x422

Mwesigwa ng'atunga engatto. EBIFAANANYI BYA STELLA NAIGINO

Bya Stella Naigino

Bagamba ensi kuyiiya naye Asaph Mwesigwa ayiiyizza okutuusa lw'atuuse ku lyengedde.

Ono nga mutuuze w'e Seeta mu disitulikiti y'e Mukono teyasoma kugenda wala era obulamu bwamukaluubiriza nnyo muntandikwa, nga n'eky'okulya kyamagero gy'ali.

Agamba yayingira ekibuga siringi omutwalo gumu (10,000/=) era nga muno yagulamu ewuzi ezitunga engatto n'ensawo olwo n'ayitayita mu bantu ng'abuuza abo abaagala okubatungira engatto n'ensawo.

" Nafunanga bakasitoma era ng'obusente bwenfuna ngndyako ekyemisana endala ne nzitereka nsobole okusonda kapito.

 

Oluvanyuma lw'emyaka esatu nnali maze okukung'aanya emitwalo 30kwe naggya ze mpangisaamu ekifo kati wenkolera ng'omwezi nsasulawo emitwalo 5

Okuva lwe nnafuna wentuula obulamu bwangondera n'okukyuka ne bukyuka kuba kati eyo ye ofiisi yange , anjagala ansanga awo n'ampa eky'okukola.

Kati eyatandiika n'akatono, nfuna kinene era abanvumanga obutaasoma kati mbasekerera kubanga ssente zenfuna tebazifuna

Ebiyambye Mwesigwa okuwangula

  • Kye sisobola kukola sikyerijjako
  • Njogera bulungi ne bakasitoma bange n'okubeebuuzaako ku ki kye baba baagala mbakolere.
  • Njolesa obukkakkamu nga nkola omulimu gwange

Mwesigwa agamba nti yadde nga yatandiikira mu kutunga nsawo za bakasitoma, eziyurise, kati akola n'engatto ezenjawulo naye akyakola kiri kyeyatandikira ko, kubanga kye kyavamu kapito.

 

Ayongerako nti taseera nnyo bakasitoma be era agezaako okunoonyereza akole ekintu ekiri ku mulembe.

Okusomoozebwa

Mwesigwa agamba nti bbeeyi y'ebintu yeeyongera buli kaseera era nga kino kimukakatako naye okukola ebintu ebyenjawulo olwo n'ayongera mu kasente, kasitoma baleme kudduka.

Agamba nti bakasitoma nabo olumu bamutawaanya nga baleta ebintu byabwe okubitunga naye ne batabikima mu budde so nga baba tebasasude, kino kisiba kapito. 

More From The Author

Emboozi z’omuwandiisi endala

Emboozi endala

Abataka1webuse 220x290

Tetugenda kusirika ng'ebika bisereba...

Bakatikkiro b'ebika balayidde obutaleka bika kusereba ne basalawo okwegatta bakolere wamu okubitumbula

Muzaata 220x290

Ebyabadde mu nsisinkano ya Museveni...

Pulezidenti Museveni asisinkanye akakiiko ka poliisi akafuzi n’alagira abaserikale essira balisse ku kulwanyisa...

Lim21webuse 220x290

Engeri gy'olimira mu kkutiya okufuna...

Omusomesa akulaga bw'akozesa ebikutiya okukola ssente mu kulima enva endiirwa

Bebi 220x290

Aba Ghetto Kids bafunye ku kamwenyumwenyu...

Aba Ghetto Kids bafunye ku kamwenyumwenyu

Pawa4 220x290

Gav't etongozza enteekateeka ya...

MINISITA w'eby’amasanyalaze n’obugagga bw’omuttaka Eng. Irene Muloni atongoza entekateeka empya gavumenti mwegenda...