TOP

Abakyala mwekolemu ebibiina mufune ku ssente za Gavumenti

By Musasi wa Bukedde

Added 16th July 2019

Abakyala b'e Mukono bakubiriziddwa okwekolamu ebibiina bafune ku ssente za Gavumenti ezitaliiko magoba n'okuwagira Pulezidenti Museveni kubanga yabaggya wala

Kibowa13webuse 703x422

Hajji Haruna Ssemakula (ku kkono) addiriddwa Hajjati Farida Kibowa ne Sarah Kasadha ku mukolo

Bya Madinah Sebyala

Omumyuka wa Ssentebe w’ekibiina kya NRM mu Disitulikiti y’e Mukono, Hajji Haruna Ssemakula eyeesowoddeyo okuvuganya ku kifo kya Ssentebe wa NRM akunze abakyala obutawa baami baabwe ku mukwano ssinga tebawagira Pulezidenti Yoweri Kaguta Museveni kubanga yabaggya emmanju nga balina kumwebaza nga bamwongedde kisanja.

Ssemakula yagambye nti, kibeera kya bulyazaamaanyi abakyala obutawagira Pulezidenti Museveni abatadde ku mwanjo.

“Abakyala bwe muzuula abaami bammwe nga tebawagira Pulezidenti Museveni, ‘apana kombya’, kuba mmwe bannakazadde b’eggwanga ng’olutalo bwe lujja mmwe musinga okukosebwa,” Hajji Ssemakula bwe yabafalaasidde.

ajji semakula ku kkono ajjati ibowa ne sther aroma  nga bazina ku mukoloHajji Ssemakula (ku kkono), Hajjati Kibowa ne Esther Baroma nga bazina ku mukolo

 

Yabadde ku wooteeri ya Alvers e Wantoni ku Mmande bwe yabadde asisinkanye obukiiko bw’abakyala ku mitendera egy’enjawulo okuva ku byalo okutuuka waggulu nga baakulembeddwa Hajjati Farida Kibowa akulira akakiiko ka National Women Council abaasisinkanye okukkaanya bye bagenda okusaba Pulezidenti okubakolera bw’anaaba akyadde e Mukono.

Hajjati Kibowa ne Sarah Kasadha, akulira akakiika k’abakyala ba NRM mu Disitulikiti y’e Mukono bagamba nti baagala Pulezidenti ebibiina byonna eby’abakyala bifune ku ssente za Women Entrepreneur Programme ezitaliiko magoba.

Bagasseeko nti, mu kusooka ssente zino okuzifuna babadde balina okubeera abantu 15 nga bali mu bibiina kyokka kati n’abantu 5 basobola okuzifuna kyokka ne bagamba nti, baagala Pulezidenti akyuse mu tteeka ng’omuntu omu asobola okuzifuna.

More From The Author

Emboozi z’omuwandiisi endala

Emboozi endala

Awar 220x290

Owa Bukedde awangudde engule

Bannamawulire n’abayimbi bawangudde engule mu mpaka za Rising Star Awards

6 220x290

Yiga bwe bafumba enkoko erimu enniimu...

Yiga bwe bafumba enkoko erimu enniimu

Omumyuka 220x290

Pulezidenti Museveni teyeeyibaala...

OMUBAKA wa Busiro East mu palamenti, Medard Lubega Sseggona ategeezezza Pulezidenti Museveni nti teyeeyibaala nti,...

Kutte1 220x290

Nakibinge akunyizza Haruna Kitooke...

JJAJJA w’Obusiraamu, Omulangira Kassim Nakibinge, Omulangira Kakungulu Kalifaani, Sheikh Nuuhu Muzaata ne bamaseeka...

And 220x290

Tondaba akanyiriro embeera mbi...

HARUNA alombojjedde Sipapa ebizibu by’ensimbi byatubiddemu olw’okwenyigira mu by’obufuzi.