TOP

Emirimu 4 omukyala gy’akolera awaka n’ayingiza ssente

By Musasi wa Bukedde

Added 30th October 2019

Giigino emirimu 4 omukyala gy'osobola okukolera awaka n'owona okusabiriza ez'akameeza

Omukyalangaakolaebimulimunpaplawebuse 703x422

Omukyala ng'aluka ebyokutimba ku dduuka w'atundira emipiira mu Kampala

Bya Stella Naigino

Ennaku zino buli omu alwana kweggya mu bwavu era ng’abakyala abasinga beebuuza emirimu gye bayinza okukola okuyingiza oba okwongeza ku nfuna yaabwe.

  1. Okulima enva endiirwa: Joyce Nangobi, alwanirira eddembe ly’abakyala agamba nti, okulima enva endiirwa gumu ku mirimu omukyala gw’asobola okukolera awaka n’afuna ssente nga tataddeemu kinene wadde obudde obungi.

“Omukyala alina kumanya kimu, y’engeri entuufu gy’asobola okulima enva zino, olwo n’asobola okuzifunamu. Ekyo bw’akikola, aba asobola okulima era n’afuna akatale kubanga abantu ensangi zino bazettanidde.

 nva endiirwa ngemboga osobola okuzirima awaka nofuna ssente Enva endiirwa ng'emboga osobola okuzirima awaka n'ofuna ssente

 

  1. Okwongera omutindo ku ccupa enkadde: Eccupa enkadde ozongerako omutindo ng’okozesa ebintu eby’enjawulo n’ozitunda nga eby’okutimba okulabisa obulungi awaka.

Eccupa emu osobola okugikozesaako omuguwa gumu ne langi gy’ofuuyirako nga kiwedde ng’otunda.

  1. Okukola ebimuli mu mpapula oba amawulire amakadde: Ann Zziwa ng’ono musuubuzi wa sipeeya wa mmotoka era ng’akola n’ebimuli mu mawulire amakadde agamba nti, ebimuli ebisobola okukozesebwa mu kutimba abakyala basobola okubikola mu mawulire amakadde oba mu mpapula.
 bimuli ebikoleddwa mu mpapula Ebimuli ebikoleddwa mu mpapula

 

“Omuntu ky’alina okukola, kya kufaayo kuyiga ngeri ntuufu ey’okubikolamu nga yeefunira ssente. Bino abikolera awaka ne ku mulimu mu biseera bye eby’eddembe,” Zziwa bw’agamba.

4. Okwongera ku mutindo ku ngoye enkadde: Engoye enkadde omuntu asobola okuzikolamu ebisiimuula oba obugoye obw’okulinnyako ku mulyango n’abutunda ne yeefunira ssente.

Okukola kino, weetaaga kakutiya na mpiso n’obugoye obukadde.

Bino nga bikoleddwa b ulungi bisikiriza amaaso era birina akatale.

More From The Author

Emboozi z’omuwandiisi endala

Emboozi endala

760c92ca9f694295837ec90b52ac134f 220x290

Ssekiboobo aziikiddwa mu kitiibwa...

Omwami wa Kabaka ow'essaza ly'e Kyaggwe eyawummula, Ssekiboobo Alex Benjamin Kigongo Kikonyogo olwaleero aziikiddwa...

A84388d55eaa4efa9fcc00052969dc53 220x290

Omuyimbi Grace Ssekamatte alwanaganye...

Omuyimbi Grace Ssekamatte omu ku ba dayirekita ba Golden band asiibuddwa okuva mu ddwaaliro gy’amaze wiiki nnamba...

Cor 220x290

Beerumirizza okusaddaaka owabbooda...

OMUTUUZE eyasaddaakiddwa ne bamusuula mu kinnya okumpi n’ekyuma ky’omugagga Ephraim Bbosa, akwasizza abantu bana...

Tra 220x290

Eddagala lya ARV’S lisobola okulwanyisa...

OLWALEERO tewali ddagala ttuufu lyazuuliddwa okuba nga lijjanjaba obulwadde bwa COVID 19 .

Tabu 220x290

Ziizino endwadde endala ezirina...

ABANTU 44 baakakasiddwa mu Uganda nga balina ssennyiga omukambwe (coronavirus) era bajjanjabwa nga n’abalala bateekeddwa...