TOP

Engeri gy'olimira mu kkutiya okufuna ssente

By Lilian Nalubega

Added 20th November 2019

Omusomesa akulaga bw'akozesa ebikutiya okukola ssente mu kulima enva endiirwa

Lim21webuse 703x422

Hajara Sabano ng'alaga akalimiro k'ebikutiya

Bya Lilian Nalubega

Abantu bangi bwe baba baagala okubaako bye balimira awafunda balowooza ku kyakulimira mu makutiya ge basimba obulamba ne bateekamu ettaka eggimu olwo ne balima.

Enkola eno nnungi naddala ku bali mu bitundu eby'enzigotta oba ne mu bibuga kubanga omuntu ayinza n'okulimira waggulu ku lubalaza lw'ennyumba ye.

 pinach abano gwalimira ku bikutiya Spinach Sabano gw'alimira ku bikutiya

 

Hajara Sabano, omusomesa ku Makerere University Primary School e Bwaise Kubbiri agamba nti, enkola eno bw'ogikyusaamu n'olimira mu kkutiya kyokka ng’ozeebasizza wansi kikola okusinga kubanga ebimera by'osimbako biba bingi bw'ogeraageranya ku agisimbye ate nga n'ebigimusa bikuumibwa bulungi.

Ekkutiya eno bw'ogiteekamu ettaka, ogisiba ku ludda lw'omumwa. Ekifo w'ogenda okugissa osooka kukitereeza bulungi n'okyaliriramu amayinja amaneneko olwo n'ogayiwamu ettaka eririmu ebigimusa. Ogalamizaako ekkutiya yo n'ofuna akati n'ofumitamu ebituli mw'osonseka endokwa z'ebyo by'oba oyagala okusiga naddala enva endiirwa, era osobola okusiga ku kkutiya enjaseemu.

Bw’oteekateeka ennimiro yo

Ofuna ekifo n'okiteekateeka bulungi.

Osooka kuteekawo mayinja amanene wansi n'oyiwamu ettaka okuziba ebituli ebigalimu, okwetooloola ennimiro.

 abano ngayooyoota akalimiro ke akebikutiya Sabano ng'ayooyoota akalimiro ke ak'ebikutiya

 

Funa ekkutiya ennyimpi ozipakiremu ettaka ozisimbe okwetooloola ennimiro yo eyo oluvannyuma ofune ekiveera ekigazi obulungi okyalirire ku mayinja g'otegese olwo oyiweko ettaka eririmu ebigimusa.

Kuno kungulu kw'osiga by'oyagala era kino kitangira okukulugguka kw'ettaka, wabula oba waddembe okukyusa ettaka eryo buli lw'olaba nti eribaddeko likaddiye.

Okukyusa ettaka

Lino amangu ng’olabye nti liweddemu obugimu, oliyoolako n'oliyiwa n’ozzaako eririmu obugimu n'oddamu okusigako by'oyagala.

 

 

More From The Author

Emboozi z’omuwandiisi endala

Emboozi endala

Bug1 220x290

Paasita Bugembe naye endiga ze...

Paasita Bugembe naye endiga ze tazisuuliridde

Kag1 220x290

Ekizibu kya corona kisaza abantu...

Ekizibu kya corona kisaza abantu entotto

Kit1 220x290

Embeera ya Kenzo mu Ivory Coast...

Embeera ya Kenzo mu Ivory Coast ekanze abawagizi be

Acfc67552a0b422590ccdbe84492c45a 220x290

Minisita Ssempijja akubirizza Bannayuganda...

Minisita Ssempijja akubirizza Bannayuganda okulima

Kat18 220x290

Engeri Ssennyiga omukambwe gy’awadde...

Engeri Ssennyiga omukambwe gy’awadde abamu ‘essanyu’