Mukyala wange tayagala kwegatta era buli lwe mmugamba agamba nti tayagala. Kino kiva ku ki? Nze Dalius Entebbe.
Mwana wange omukyala ono bwe yaali oba akyuse nnaku zino? Olina okwetegereza ekireese kino. Oluusi abakyala nga bali mbuto oba nga bannakawere batera okufuna embeera eno.
N’ekirala oluusi nga mulina ebizibu mu maka ng’obwavu, obwenzi, obutategeragana n’ebizibu ng’ebyo nakyo kireeta obuzibu.
Kya magezi oyogere ne munno ku nsonga eno omanye obuzibu we buva.
Ate oluusi ayinza okuba n’ebirowoozo, bino nabyo bitta obwagazi. Kale mwana wange yogerako naye ate weetegereeze embeera ze oba nga zaakyuka.
Lwaki omukyala tayagala kwegatta?
