Eminyeeto ya NRM eriyo netambura kuza ahamazaarwa ga Museveni.

N’ebya Patrick Okino

LANGO

Eminyeeto emwe y’omu kigombe ekya NRM omu kyanga ekya Lango etandiikire kutambura kuza omuri Kampala kwegaita ahabandi omu Uganda omu kujaguza amazaarwa ga Purezidenti Yoweri Museveni ag’omuri gwa 79 agariho Orwakataano ebiro 08/09/2023.

Eminyeeto egi esimbwirwe Biishopu Tom Ibrahim Okello ahari All Nations aha Sande, negira ngu aba nibaija kutambura kiromita zirengire omuri 300 omu biro 3 byonka kubaasa kwetaba aha mazaarwa ga Museveni. Emikoro y’amazaarwa ga Purezidenti neija kuba aha kishaayi kya Kololo omuri Kampala.

Eminyeeto ya NRM ey'omuri Lango etandiikire kutambura kuza aha mazaarwa ga Purezidenti Yoweri Museveni aharwakataano ebiro 08/09/2023 aha kishaayi Kololo. Photo by Patrick Okino.

 “Aha murundi ogu nitwija kukora amazaarwa ga Purezidenti ag’omutaano turikutambura ahabw’okwenda kumworeka rukundo ei tumwiniire nk’eminyeeto ya Uganda kandi burizooba, nitwija kuba nitutambura kiromita 79, emyaka ei Purezidenti weitu arikwija kuba najaguza,” Geoffrey Okwir, oyebembiire eminyeeto egi.

 “Turiyo nitumurongora. Titurikwenda kumuheereza ebintu bingi,” Okwir nayongyera kushoborora.

Naagira ngu berundainemu esente kuruga omunshaho zaabo n’abanyambabazi kubahwera omurugyendo rwabo.

Johnson Amangele, Omugambirizi w’ekigombe kya guruupu y’eminyeeto erikweyeta eya NRM Joint Youth mobilisers naagira ngu bashaziremu kutambura kuza kubugana Purezidenti Museveni ngu ahabw’okuba emirundi mingi, eminyeeto y’omuri Lango terikukira kutunga mugisha gw’okubugana Purezidenti.

Naagira ngu n’eminyeeto 30 kandi nibateekateekwa kwegaitwaho abandi bantu abarikwija kubegaitaho omurugyendo rwabo.

#WestUpdates