Amazaarwa ga Museveni aga 79 n’ag’eriizooba.

N’ebya Andrew Lule

Ebitongore by’eby’okwerinda byagira ngu byetegwire kureeba ngu emikoro y’amazaarwa ga Purezidenti Yoweri Museveni ag’omurundi gwa 79 yaahwa omu busingye.

Emikoro egi neija kuba aha kishaayi kya Kololo omuri Kampala eriizooba Orwakataano ebiro 08/09/2023.

Omugambirizi wa Pooriisi ahabwa Kampala n’emyanya egihereire, Patrick Onyango naagira ngu nk’oku habaireho okutiinisiriza kw’abaheekyera omuri Kampala, ebitongore byona eby’okwerinda biriyo nibikorera hamwe kureeba ngu buri kimwe kyatambura kurungi aha mikoro ya Museveni.

"Ebitongore by’okwerinda biteireho entebeekanisa z’okureeba ngu abanya-Uganda baajaguza bataine kuteganisibwa kwona. Ninshaba abantu okurugayo bakajaguza na Purezidenti waabo amazaarwa gye,” Onyango arikushoboorora.

Beitu hoona, Onyango ahamisiriize ekyetengo ky’okuza aha buzoora maisho n’okumanyisa ab’eby’okwerinda baaheza kureeba ekintu kyona nainga omuntu ou baateekateekaho.

Arikugambaho n’abanyamakuru omuri Kampala Orwakana, omuduumizi w’eby’ahanguuto ahabwa Kampala n’emyanya egihereire, Godwin Arinaitwe naagira ngu ebicweka by’enguuto ezimwe omuri Upper Kololo, Elgon Terrace na Lower Kololo niziija kukingwaho ahabw’ebiiruka ebimwe oyihireho emotoka ez’abagyenyi bakuru.

Emikoro y’amazaarwa ga Purezidenti Museveni etebeekanisiibwe ofiisi ya ceeyamaani w’ekigombe ekya NRM omu eihanga ryona.

#WestUpdates