Omwe yafeeraho omubutandu ya motoka y’emifariso omuri Kyegegwa

N’ebya Philip Murangira
Motoka y'emifariso ya Euroform FUSO ehandiikire omu namba UAH 210R yaaremerera omuvugi waayo nikwo kutomera motoka endiijo eyaaba eyemereire ahaaba hariho n’omuvugi wa boda kandi owaafeeraho. 

Butandu egi yaabaho shaaha 6 z’eihangwe aharuguuto nyeigyendwa orwa Fort Portal-Kampala ahakatare k'ebitookye, Akatente, omu tauni kanso ya Kyegegwa.

Ekimotoka ky'emifarasi ekyaremeerera omuvugi waakyo kikareetaho butandu omuri Kyegegwa. PHOTO: Philip Murangira

Motoka egi yaaba neeruga Fort Portal nikwo kuza omukatare k'ebitookye aka Katente kupakira ebitookye by'abashuubuzi abaaba nibaza Kampala. Ku yaaba  neerugayo nikwo kuremeerera omuvugi waayo ekahendera etomeire motoka eyaaba eyemereziibwe haihi n’owa bodaboda owaafeeraho.

Owaafa yaamanywa nka Nathan Mugumya w'emyaka 38 omuvugi wa Bodaboda okuruga omu tauni ya Kazinga owaaba navuga piki ya Bajaj Boxer ehandiikirwe omu namba UEW 938W.

Lauben Nzabarinda, Kansara wa tauni kanso ya Kazinga naagira ngu omugyenzi abaire ari omuntu murungi kandi yaashaba ba dureeva okureka ‘wasi-waasi’.

William Mugerwa, Kansara w’abarema aha tauni kanso ya Kyegegwa naagira ngu butandu  ahamwanya ogu zihinguriine.

Abatuura baayoreka obusaasi ahabwa Kyegegwa obutagira motoka (ya ‘breakdown’) eyaaba neebaasa kwimusya ekimotoka  aho n’aho bakacungura amagara g'omugyenzi Kandi break down ahi yaaza kurugira Mubende ogu yaaba yaaherize kufa.

Pooriisi omu Katante ahi Nathan Mugumya yaatomererwaho ekimotoka ky'emifarasi omuri Kyegegwa. PHOTO: Philip Murangira

Omubiri gwe gwatwarwa omuk’abafu ah'eirwariro rya Kyegegwa hospital kandi za motoka na piki  byatwara aha police ya Kyegegwa. Dureeva nawe Ari aha pooriisi ya Kyegegwa etaabaasa kugamba n’abanya makuru ba TV West.
#WestUpdates