Owaateire omunyamakuru yaasingisibwa omushango, Fort Portal

N’ebya Doreen Nasiima
Kooti omuri Fort Portal eyaaba ekuriirwe omuramuzi w’eidaara ry’okubanza, William Muwonge, yaasingisa Stellah Kisembo omushango bwanyima y’okushanga ngu akeetaba omukuteera omunyamakuru, Superior Mugaga orikukora na reediyo ya V.O.T. 

Kooti yaahurira ngu omumwaka gwa 2018 okwezi kwa 12, Kisembo akateera Mugaga obwo arikukora emirimo ye ahakanisa ya Jerusarem Miracle Centre omuri Bukwali kandi yaahutaazibwa arikukuurwa erino. 

Kooti yayongyera yaahurira ngu kiteerwa akabaasa kuburirwa ebintu bye ebirimu esimu n’ebindi. 
Victor Businge, omuhorereza wa Kisembo, yaashaba kooti ku emuheereza ekifubiro kikye ahakuba nigwo murundi gw’okubanza kukomwa. Omuramuzi arikuha encwamu ye, yaaragiira Kisembo kushashura omutango gwa shiringi 400,000/= ninga shi okukomwa ameezi 3 kandi ngu Mugaga aheerezeyo okundi kwetomboitwa omukooti ya civil nikwo abaase kukaitwa ebintu bye ebirimu akooma akarikukwata amaraka, omubwire bwa wiiki 3. 

Eizooba rya nyomwebazyo Kisembo areire omunkomo Katojo.

#WestUpdates