Paasita omuri Soroti akwatsirwe ahabw’okukingiirana abarwaire omukanisa.

N’ebya Habert Paul Eyoku 

SOROTI

Pooriisi omu kyanga ekya East Kyoga ekwatsire orikweyeta Paasita w’emyaka 35 ow’ekanisa ya Galilee Ministry of Christ Church omuri Amen B omuri Soroti City West omu rurembo orwa Soroti ahabw’okugambwa kuba akingiriine abarwaire ababaire bari omu mbeera mbi omu kanisa ye arikugira ngu naija kubashabira bakire. 

Orikukora nk’omugambirizi wa Pooriisi ahabwa East Kyoga, Edison Obukulem naagamba okwatsirwe nka Peter Ogoba ow’ekanisa ya Galilee Ministry of Christ Church omuri Soroti.

Omu muhiigo ogubaire gwebembiirwe omuduumizi wa Pooriisi ahabwa Soroti City West Division ogukozirwe nyomwebazyo ebiro 29/04/2024, Rashid Byansi Muhammad, abaikiriza b’ekanisa egyo barikurenga 30 bashangirwe omunda y’ekanisa kandi 4 ahari aba, babaire bari omumbeera mbi munonga barikwetengwa okuragurirwa kwaho’naho.

Obukulem, ahamize okukwatwa kwa Ogoba kandi naagira ngi pooriisi eriyo negumizamu n’okucondooza.

Nabwo, Obukulem ajumiriire amaramizo agamwe agarikuhabya abakuratsi baabo ahamwanya gw’okuhabura abarwaire kuza omu marwariro bakasharamu kuguma nabo omukanisa ngu nibabashabira.

Ku abuziibwe ahanshonga egi, Ogoba agambiire abanyamakuru ngu n’abantu baingi ababaasize kukirira omu kanisa ye ahabw’eshaara ezi arikubashabira.

Bamwe omu baikiriza abu omunyamakuru weitu agambireho nabo nibagira ngu babaasize kukira kurabira omushaara aha kanisa egi barikwongyeraho ngu kibaire kitahikire Pooriisi kwija ekakinga ekanisa yaabo.

#WestUpdates