Ohuhurira ogw’abany’ishengyero Ssegirinya, Ssewanyana nikurugamu aharw’okubanza.

N’ebya Michael Odeng

KAMPALA

Okuhurira omushango ahi abany’ishengyero; Muhammad Ssegirinya ( Kawempe North) na Allan Ssewanyana (Makindye West) abarikujunaanwa omushango gw’obwitsi nikugarukamu nyencakare Orwo’okubanza omu kooti enkuru International Crimes Division (ICD).

Ssegirinya na Ssewanyana nibajunanwa n’abandu 5 imushango gw’okwita abantu batari bamwe barikwejunisa emihoro omu kyanga ekya Masaka omu mwaka gwa 2021.

Ababiri aba bakabanza kukwatwa ebiro 07/09/2021 n’abandi 7 ahabw’okugira akakwate n’okwita abantu barikwejunisa emihoro.

Abany’ishengyero 2 nibajunanwa emishango endiijo omuri ogw’obuhekyera n’okuteeraho kwita eyarugiriire omu kwita abantu okwabaire omuri Masaka omu mwaka gwa 2021.

 Abandi abu barikujunanwa nabo barimu; Bulo Wamala, John Mugerwa, Jackson Kanyike, Mike Sserwadda na Jude Muwonge.

Kooti erikurira omushango ogu nekurirwa omuramuzi Alice Komuhangi. 

Abatonganirizi ba gavumenti Richard Birivumbuka na Joseph Kyomuhendo nibo bari omu mushango ogu ahabw’orubaju oruhababi kandi ba Puriida abarimu  Caleb Alaka, Erias Lukwago na Shamim Malende n’ababakitabarizibwa.

Omu kuhurira omushango ogu nyencakare, oruhaju oruhababi rwine kuhayo obuhame oburikumara kworeka ekyarugirireho emishango egi kubaho.

Ahati y’okwezi kw’okubanza n’okwa munaana omu mwaka gwa 2021, banyakujunanwa n’abandi abakibuzire n’ekigyendererwa ky’okureetaho okutiina omu bantu omu by’obutegyeki, eby’ediini n’entaasya, bakejumbira omu kwita abantu omu kyanga ekya Masaka empango.

#WestUpdates