Okuhurira omushango gwa Ssegirinya na Ssewanyana tikwabaho.

N’ebya Omushaki weitu

KAMPALA

Okuhurira omushango gw’abany’ishengyero, Muhammad Ssegirinya na Allan Ssewanyana ahabw’obwitsi obwabire omu kyanga ekya Masaka enkuru omu mwaka gwa 2021 tikwabaho.

Eki kijaho bwanyima y’okushanga ngu kooti y’ebiragiro tekakozire aha mushango gwabo agu bahababire barikuhakanisa eky’okubahozesa.

Omushango ogu kugwashomwa kugarukamu kuhurirwa eriizooba, Omuhababi wa gavumenti, Joseph Kyomuhendo yashaba omuramuzi ori omu mushango omu kooti enkuru, okuhisya obu kooti y’ebiragiro erahurire omushango ogu Ssegirinya na Ssewanyana bahababire omu kooti egyo barikuhakanisa eky’okubahozesa ng ahabw’okuba niyo ekyereriize omushango gwabo.

Omuramuzi Komuhangi yayongyezayo omushango ogu kuhisya ebiro 28/08/2023 obu barikwija kugaruka kushomerwa omushango.

Muhammad Ssegirinya omuny’ishengyero owa Kawempe North na Allan Ssewanyana owa Makindye West nibajunanwa emishango omuri ogw’obwitsi, obuhekyera n’ogw’okuteeraho kwita eyarugiriire omu bwitsi obwabaire omu kyanga ekya Masaka enkuru omu mwaka gwa 2021.

#WestUpdates