Purezidenti Museveni abugaineho ba invesita kuruga Dubai.

N’ebya Beth Akatukunda

ENTEBBE

Purezidenti Yoweri Museveni abugaineho mukuru wa kampuni ya  Rowad Capital Commercial LLC (RCC) group, Chaher Al Taki owataayaayise aha maka g’obwa Purezidenti Entebbe aharw’okubanza.

RCC niyo kampuni y’amaani erikukirayo omu by’okwombeka omuri Dubai, United Arab Emirates.

Purezidenti Museveni arikubuganaho ba memba ba kampuni ya Rowad Capital Commercial Llc aha maka g'obwa Purezidenti, Entebbe. PHOTOs by PPU.

Okurugiirira aha kihandiiko kuruga omu maka g’obwa Purezidenti Entebbe, kampuni egi nabwo eine obuheereza bw’okuhabura obwa Advisory and Consulting Services omuri Middle East na Africa.
  
Chaher amanyiise Purezidenti Museveni ngu ekigyendererwa kya kampuni ye n’okwenda kuta esente omu bitongore bitari bimwe nk’eby’amajuta, eby’empurizana n’ebindi.

Mukuru wa kampuni ya Rowad Capital Commercial LLC (RCC) group, Chaher Al Taki oizire ayebembiire ba invesita kuruga Dubai aha maka g’obwa Purezidenti Entebbe aharw’okubanza.

Purezidenti Museveni ayorekire okwehayo kwa Uganda omu kukorera hamwe na kampuni egi Kwenda ngu embaju zombi zibaase kuganyirwa omu by’entaasya.

Ba minisita batari bamwe abetabire omu kiganiiro eki barium; Minisita w’eby’esente, Matia Kasaija na Minisita w’eihanga ow’eby’amakorero Evelyne Anite.

Abandi abahikire omu rukiiko oru ni; mukuru w’ekitongore ekya Tumaini African Knowledge Center (TAKC), Ambasadda Rosa Malango hamwe boodi memba w’ekitongore ekya TAKC, Rose Birungi.

Ahagati y’omu mwaka gwa 2016-2021, Rosa Malango akaba ari omushuuganisa w’ekigombe ky’amahanga ageteraine omu Uganda.

#WestUpdates