Uganda Airlines kutandika engyendo omuri Nigeria

Uganda Airlines kutandika engyendo omuri Nigeria

N’ebya John Masaba

Ekitongore ekya Uganda Airlines n’eky’okutandika engyendo kuza Nigeria bwanyima y’okukora endagaano ahagati ya gavumenti ya Uganda n’eya Nigeria

Kurugiirira ahari Ismail Ayobami Alatise, entumwa ya Nigeria omu Uganda, endagaano egi ekozirwe ebiro ebihwaire erimu n’ekitongore eky’enyonyi omuri Nigeria ekya Nigeria Airways kutandika engyendo kwija omu Uganda.

Ogu naagira ngu ekigyendererwa ky’okukora endagaano egi n’okuhamya enkwatanisa n’eby’obushuubuzi ahagati y’amahanga aga gombi.

Alatise ebi abigambire nyomwabazyo omu rukiiko n’abanyamakuru aha Uganda Media Centre.

Eby’obushuubuzi ahagati ya Nigeria na Uganda obwahati nibihika shiringi biriyooni 88, kurugiirira ahari United Nations COMTRADE.

Obwahati nekora engyendo 10 omumahanga agari omukyanga ekya East Africa nka Nairobi-Kenya, Juba-South Sudan, Mogadishu na Dubai eri aheeru y’ekyanga eki.

Uganda Airlines eine ekiteekateeko ky’okugaruzaho engyendo kuza Guangzhou, UK, Rwanda n’amahanga agandi.

#WestUpdates