TOP

Germany etutte World Cup n''emenya likodi

Added 14th July 2014

EMYAKA 24 Girimaani gy’ebadde emaze nga tewangula World Cup, yagyerabidde eggulo bwe yamezze Argentina 1-0 ku fayinolo n’ewangula World Cup eyookuna.



 Fayinolo ya World Cup:

Girimaani 1-0 Argentina

EMYAKA 24 Girimaani gy’ebadde emaze nga tewangula World Cup, yagyerabidde eggulo bwe yamezze Argentina 1-0 ku fayinolo n’ewangula World Cup eyookuna.

Ebyafaayo byazzeemu ne biddiring’ana kuba ne ku fayinolo ya 1990 e Yitale, Girimaani yawangula Argentina ggoolo 1-0 n’esitukira mu kikopo kye kimu.

 

Mario Gotze eyayingiziddwa mu kifo kya Miroslav Klose, ye yawadde Girimaani essanyu ly’ekikopo bwe yazzizzaako paasi eyamuweerezeddwa Andre Schurrle mu ddakiika y’e 113 mu 30 ezaayongeddwaamu.

Girimaani emenye likodi 

Ly’eggwanga lya Bulaaya erisoose okuwangula World Cup ng’etegekeddwa ku ssemazinga wa Amerika. Girimaani ebadde emaze World Cup ssatu eziddirinwa nga waakiri etuuka ku semi.

Mu 2002, Brazil yagikubira ku fayinolo, mu ya 2006,Yitale n’ekigubira ku semi sso nga mu 2010, Spain ye yagikuba ku luzannya lwe lumu.

Girimaani yayongedde okulaga nti mu kaco kano y’eri ku ntikko y’omupiira oluvannyuma lw’okumegga bakirimaanyi basatu mu mpaka zino. Portugal, Brazil abategesi ne Argentina.

Neuer alidde ekya ggoolokipa:

Omukwasi wa ggoolo ya Girimaani, Manuel Neuer, yawangudde eky’omukwasi wa ggoolo asinze mu mpaka zino sso nga James Rodriguez owa Colombia ye yawangudde eky’obuteebi ne ggoolo mukaaga sso nga Paul Pogba owa Bufalansa yawangudde eky’omuzannyi omuto. 

Argentina eyaduumiddwa Lionel Messi yasubiddwa omukisa okuwangula World Cup yaayo eyookusatu nga yasemba okukiwangula mu 1986 bwe yakuba Girimaani yennyini ggoolo 3-2.

Argentina terina bateebi: 

Wabula yaakwevuma abateebi baayo Gonzalo Higuain ne Rodrigo Palacio abaalemeddwa emikisa egyabadde giweddeko amazzi.

Mu ngeri y’emu Messi eyalondeddwa ku ky’obuzannyi bw’empaka zino, yasubiddwa omukisa okuggya munnansi Diego Maradona ku ntikko y’abakyasinze okucanga akapiira olw’okulemwa okuwangula World Cup.

Abazannyi ba Girimaani baayiiseemu kavu wa mitwalo gya Euro 300,000 buli omu mu za Uganda (akawumbi kamu n’obukadde 80).

Germany etutte World Cup n''emenya likodi

More From The Author

Emboozi z’omuwandiisi endala

Emboozi endala

Harold Kaija

Omukunzi wa FDC attiddwa mu...

AKULIRA okukunga abantu mu kibiina kya FDC mu disitulikiti y'e Lyantonde bamusse ne kireka ebibuuzo ku bigendererwa...

Minisita Namugwanya (mu kyenvu) n’omubaka Hussein (ku kkono) n’abamu ku bakulembeze abaalondeddwa.

Gavt. erondesezza akakiiko ...

GAVUMENTI erondesezza akakiiko ak'ekiseera ka bantu bataano mu St. Balikuddembe kagiyambeko okuddukanya akatale...

Amaka ga Kasango (mu katono) e Butabika mu munisipaali y’e Nakawa.

Obukama bwa Tooro buyingidd...

OLUVANNYUMA lwa ffamire okulemererwa okutuuka ku kukkaanya ku by'okuziika munnamateeka Bob Kasango eyafiira mu...

Florence Nabakooza bba Shafique Wangoli yakwatiddwa ng’ali lubuto.

Abaabulwako abaabwe olukala...

ABANTU abaabulwako abaabwe tebamatidde n'olukalala minisita w'ensonga z'omunda mu ggwanga Gen. Jeje Odong lwe yayajulidde...

Ku kkono; Hope Kitwiine, Mildref Tuhaise, Mercy Kainobwisho, Patience Rubagumya, Connie Kekihembo, Agnes Nandutu ne Irene Irumba.

Abakyala balaze ebirungi by...

ABAKYALA abali mu bifo by'obukulembeze mu by'obusuubuzi balaze okusomoozebwa abakazi kwe bayiseemu olwa corona...