TOP
  • Home
  • Ebyemizannyo
  • Mulindwa awadde Express obukadde 10 n'agifalaasira okutwala liigi

Mulindwa awadde Express obukadde 10 n'agifalaasira okutwala liigi

Added 28th April 2016

ABAWAGIZI ba Express FC abaasoose kukuba obukuukuulu n’okwagala okugoba Lawrence Mulindwa (owa Vipers FC) ku kisaawe kyabwe e Wankulukuku, baamalirizza bamutenda kisa olw’okunaaza ku bazannyi baabwe amaziga.

 Mulindwa ng’ayogera eri abazannyi ba Express

Mulindwa ng’ayogera eri abazannyi ba Express

ABAWAGIZI ba Express FC abaasoose kukuba obukuukuulu n’okwagala okugoba Lawrence Mulindwa (owa Vipers FC) ku kisaawe kyabwe e Wankulukuku, baamalirizza bamutenda kisa olw’okunaaza ku bazannyi baabwe amaziga.

Eggulo, Mulindwa yakyadde e Wankulukuku era abamu ku bawagizi baasoose kwogera butonotono nga beebuuza ekimututte nga ttiimu evuganya bubi nnyo ne Express yaabwe ku kikopo kya liigi ate nga tebanneekwata!

Nga bakyatolotooma, Mulindwa kwe kubeeyanjulira nga bw’ali omuwagizi wa Expres lukulwe nti era ekyabadde kimututteyo si kubega ttiimu yaabwe wabula kugiwagira na kugiyambako okulaba ng’esitukira mu liigi ya sizoni eno.

Baabadde bakyewuunaganya, Mulindwa kwe kukwata mu nsawo n’asikayo obukadde 10 n’abukwasa ssentebe wa Express, Francis Ntalazi ate baabadde bakyewuunya omutima omugabi gw’alina, kwe kubalaga ekisawo ky’emijoozi n’emipiira gye yabadde abaleetedde. Abaasoose okumwekengera bonna ate kwe kukyuka ne bamuwa engalo. “Nzize wano ng’omuwagizi wa Express gye natandika okuwagira nga nkyasoma.

Mu Vipers ndi mukozi bukozi kyokka yo Express endi ku mutima era bwe bagikuba mpulira bubi, ekikopo ky’omwaka guno nkyagaliza Express era mulina obusobozi obukiwangula,” Mulindwa bwe yategeezezza.

Bwe yabuuziddwa lwaki Express agiyambidde mu kaseera nga tennazannya Vipers mu liigi yagambye nti, “Bulijjo ngiyamba era n’abakungu baayo bakimanyi naye era nkikola ng’omuwagizi atayagala ttiimu ye ejule,” Mulindwa bwe yategeezezza n’agamba nti, “Express ne bw’ekuba Vipers sikirinaako buzibu kuba nsigala nfunye essanyu lya wiini.”

Yasabye abazannyi n’abatendesi okuwangula Villa ne KCCA bagiggye ku kikopo kya sizoni eno. KCCA FC ekulembedde liigi n’obubonero 51 mu mipiira 26 ate Villa eri mu kya 11 ng’erina obubonero 33 mu mipiira 20, Express eri mu kyakusatu ku bubonero 45 mu mipiira 25 ate nga Vipers eri mu kyakubiri ku bubonero 45 mu mipiira 24. “Mbawadde emijoozi kuba bakyampiyoni balina okulabika obulungi ku kisaawe,” Mulindwabwe yagasseeko ng’ayagaliza Express ekikopo. Yeebazizza Ntalazi n’abakulembeze ba Express olw’okusitula ttiimu wadde ng’embeera y’ebyensimbi gye balimu teyeeyagaza.

KCCA FC EZANNYA VIPERS MU UGANDA CUP

Mulindwa yabadde afalaasira Express okuwangula liigi agiremese KCCA, ng’eri akalulu ka semi za Uganda Cup ate kasuula ttiimu ye eya Vipers ku KCCA FC. George Nsimbe, atendeka Vipers, yava mu KCCA gye yawangulira ekikopo. Mu semi endala, Entebbe FC eyayitawo edda, erindiridde kuzannya Onduparaka, eyasuuzizza SC Villa ekikopo kino, wabula eno (Onduparaka) erina kusooka kuyita ku Busia Fisheries ku luzannya lwa ttiimu 16 nga May 18, ate ayitawo waakuzannya Soana FC ku quarter ng’ayitawo y’ajja okuzannya semi.

More From The Author

Emboozi z’omuwandiisi endala

Emboozi endala

Mmotoka ya minisita Atwoki eyakubiddwa amasasi.

Minisita asimattuse amasasi

Minisita omubeezi avunaanyizibwa ku byenfuna mu offiisi y'omumyuka wa Pulezidenti, Dr Baltazar Kasirivu-Atwooki,...

Kiddu (ku kkono) ne munne.

Bannabyamizannyo abattiddwa...

Nga December 30 omwaka oguwedde, abantu abatamanyiddwa baasindiridde Isaac 'Zebra' Senyange, eyaliko kapiteeni...

Sserunjogi ng’alaga ebintu by’atonaatona omuli essaati, ebikopo n’ebirala ebikozesebwa mu kunoonya obululu okusikiriza abalonzi.

Sserunjogi kkampeyini aziko...

AWAGWA ekku tewabula kalondererwa, ekiseera kya kkampeyini bangi bakikozesezza okuyiiya ssente era gubeera mugano...

Ssentebe Andrew Kasatiiro ng'agezaako okunnyonnyola abaatafunye butimba.

Ab'e Jinja Kalooli batabuki...

Abatuuze b'e Jinja Kalooli mu Wakiso beeweereza ebisongovu n'abakulembeze baabwe lwa butabawa butimba bwa nsiri....

Kasibante ku mpingu  ng'akwatiddwa.

Agambibwa okugezaako okufum...

OMUSUUBUZI   aloopye omuvubuka ku poliisi n'amulumiriza  okumuggyiraayo ekiso amufumite abaduukirize ne bamutaasa....