TOP

Sserumaga bamubbyeko mmotoka

Added 12th June 2016

OMUZANNYI wa SC Villa, Mike Sserumaga g’akaaba g’akomba, oluvannyuma lwa mmotoka ye ekika kya Noah okubbibwa.

 Sserumagga

Sserumagga

OMUZANNYI wa SC Villa, Mike Sserumaga g’akaaba g’akomba, oluvannyuma lwa mmotoka ye ekika kya Noah okubbibwa.

Ku Lwokutaano, Sserumaga, yafulumye ebbaala ya Bubble e Lweza n’asanga nga mmotoka ye nnamba UAN 891K we yagisimbye teriiwo.

Yadduse kipayoppayo okugenda ku poliisi y’e Kajjansi okwekubira enduulu gye yagguliddewo omusango ku fayiro nnamba 06/04/06/16 ku muganda we Denis Kapeni gw’ateebereza okuba mu lukwe olwagitutte.

Sserumaga yategeezezza nti bwe yabadde mu bbaala, yeegattiddwaako Kapeni ne mikwano gye, abaabadde batatereera wamu era baamaze ne bamutegeeza nga bwe bagenze, kyokka kyamubuuseeko okutuuka we yalese mmotoka nga teriiwo.

“Nabuuzizza omuserikale n’aηηamba nti abavubuka be mbadde nabo be bagitutte ne nziruka ku poliisi ne tubakwata kyokka kyanneewuunyisizza okuddayo nga baateereddwa,” Sserumaga bwe yategeezezza.

Yayongeddeko nti ekisinga okumutabula kwe kuba nti poliisi yayimbudde abantu be yakwatte ng’asuubira nti be bagenda okuvunaanibwa ku bubbi buno.

Akulira okunoonyereza ku poliisi e Kajjansi, James Isiko yategeezezza nti ensonga za Serumaga baazikolako wabula nga ye (Sserumaga) takoze kimala kubayamba.

“Sserumaga twamusabye atuwe Logo Book kyokka n’okutuusa kati akyagaanyi okugireeta nga tetusobola kunoonya mmotoka nga tetumanyi bigikwatako mu bujjuvu. Ekirala omuvubuka gw’ayita muganda we, twamumusabye tumutwale mu kkampuni y’essimu tufune be yayogera nabo olunaku olwo kyokka yagaana,” Isiko bwe yategeezezza eggulo.

Sserumaga yategeezezza nti wadde pollisi emubuzaabuza tagenda kuweeera okutuusa ng’afunye mmotoka ye.

More From The Author

Emboozi z’omuwandiisi endala

Emboozi endala

Ndagga ng'ayogera eri bannamawulire.

'Amasomero agasomesa ebibii...

Akulira ebyenjigiriza mu disitulikiti y'e Wakiso, Daniel Ndagga, ategeezezza ng'amasomero agasinga bwe gaziimudde...

Ente ali mu kifaananyi ne banne gye baakwatiddwa nayo.

Babakutte lubona n'ente enzibe

Poliisi y'e Sseeta Nazigo mu disitulikiti y'e Mukono ekutte abasajja babiri abateeberezebwa okuba ababbi b'ente...

Minisita Kuteesa

Minisita Sam Kuteesa ayanju...

MINISITA w'enkolagana y'amawanga g'ebweru, Sam Kahamba Kuteesa ayanjudde lipooti ku bwegugungo obwaliwo nga November...

Myeyu asibiddwa emyaka ena.

Eyakwatibwa n'ebyambalo by'...

SSENTEBE wa kkooti y'amagye e Makindye, Lt. Gen. Andrew Gutti asibye omusajja emyaka ena mu kkomera e Kitalya lwa...

Bakiraaka ba kkooti nga bambadde yunifoomu.

Baleese yunifoomu z'abakozi...

Kaweefube w'okulwanyisa obuli bw'enguzi, essiga eddamuzi limukwasizza maanyi bwe litongoza  yunifoomu  egenda okwambalibwa...