TOP

KCCA FC ekansizza abazannyi 2 Villa be yasalako

Added 2nd August 2016

KCCA FC eyongedde okwenyweza, bw’ereese abazannyi abalala babiri abalina obumanyirivu okwongera okuggumiza ttiimu yaabwe.

 Isaac Muleme ng'akyagucangira mu Villa. Ono KCCA yamukansizza oluvannyuma lw'okusalwako mu Villa. EKIF:  SILVANO KIBUUKA

Isaac Muleme ng'akyagucangira mu Villa. Ono KCCA yamukansizza oluvannyuma lw'okusalwako mu Villa. EKIF: SILVANO KIBUUKA

Eggulo mu gy’Ebika:

Kiwere (9) 2-2 (8)

Nkusu Ffumbe 4-0 Nvubu

KCCA FC eyongedde okwenyweza, bw’ereese abazannyi abalala babiri abalina obumanyirivu okwongera okuggumiza ttiimu yaabwe.

Eggulo ku Mmande, omuzibizi Isaac Muleme n'omuwuwuttanyi Isaac Kirabira bombi SC Villa be yasalako, baatendekeddwa ne ttiimu eno mu kisaawe e Lugogo.

Sizoni ewedde, Kirabira abadde azannyira Saints oluvannyuma lwa Villa okumusalako era KCCA yamuwadde endagaano ya mwaka gumu. Kirabira yategeezezza nti musanyufu okuddamu okufuna ttiimu ennene nga KCCA kuba bulijjo ky’akolerera okuva lwe yava mu Villa.

“Omukisa gwe nfunye sigenda kuguzannyiramu era hhenda kulwanira ennamba mu ttiimu esooka nkakase abagamba nti naggwaamu,” Kirabira bwe yategeezezza.

Okujja kwa Kirabira kwongedde okuvuganya mu kitongole kya KCCA ekiwuwuttanyi olw’abazannyi abangi abakirimu.

Mu kaseera kano balina abawuwuttanyi 12 nga mu ttiimu esooka, Mike Mutebi yeetaagako 3 bokka.

Abawuwuttanyi abalwanira ennamba kuliko; Muzamir Mutyaba, Ivan Ntege, Hakim Ssenkumba, Paul Mucureezi, Farouk Kawooya, Tom Masiko, Jackson Nunda, Suleiman Akinyem, Paul Musamali, Julius Poloto, Edward Kikonyogo ne Emma Magembe.

Muleme sizoni ewedde agizannyidde mu Villa kyokka y’omu ku baagobeddwa ku bigambwa nti yeenyigira mu kutunda emipiira.

Naye yaweereddwa endagaano ya mwaka gumu. Akulira emirimu mu KCCA FC, David Tamale yategeezezza nti ensonga za Krabira ne Muleme zaabadde zikyabulako obuntu butono nti kyokka eggulo baabadde basuubira nti zijja kuba ziwedde.

Tamale yagasseeko nti bombi balungi ate balina obumanyirivu kuba babadde mu ttiimu nnene.

More From The Author

Emboozi z’omuwandiisi endala

Emboozi endala

Avuganya Ssekandi ku ky'omu...

RICHARD SEBAMALA avuganya omumyuka wa Pulezidenti, Edward Kiwanuka Sekandi ku babaka bwa Palamenti obwa Bukoto...

Lubega

Ebikonde sibyevuma - Lubega

OMUGGUNZI w'ehhuumi, Joey Vegas Lubega annyuse ebikonde oluvannyuma lw'emyaka 23 bukya alinnya kigere kye ekisooka...

Donald Trump

Trump alemeddeko ku by'akal...

EBY’AKALULU ka ssaayansi byongedde Donald Trump n’ategeeza nga bw’ali omusajja omukulu atayinza kukkiriza kuleka...

Paapa eyawummula Joseph Aloisius Ratzinger

Paapa Joseph Aloisius Ratzi...

PAAPA Benedict XVI eyawummula ng’amannya ge ag’obuzaale ye Joseph Aloisius Ratzinger muyi. Ratzinger 93 obulwadde...

Abaabadde balambula ppaaka ekolebwa.

Abakola ppaaka enkadde bale...

Bakansala ba KCCA abatuula ku kakiiko akateekerateekera ekibuga n’okuzimba nga bali wamu n’abakugu baalambudde...