TOP
  • Home
  • Rally
  • Abawagizi balidde ebitoomi mu mmotoka z'empaka e Mbarara

Abawagizi balidde ebitoomi mu mmotoka z'empaka e Mbarara

Added 30th January 2017

NNANTAMEGGWA wa mmotoka z’empaka owa 2006, 2009 ne 2014, Ronald Sebuguzi, aweze okufiira ku bavuzi banne awangule engule ya NRC omwaka guno.

 Mayanja ng’ayiribya mmotoka eggulo.

Mayanja ng’ayiribya mmotoka eggulo.

Abaakulembedde:

1. Omar Mayanja 1.51.26

2. Ronald ssebuguzi 1.53. 29

3. Duncan Mubiru 1.56.10

4. Christakis Fitidis 1.59.08

5. Ambrose Byona 2.01.05

Okuva mu 2014 lwe yawangula engule eno, Sebuguzi ayagala kugiwangula mulundi gwakuna kyokka kikyamulemye okutuukiriza. Wadde nga yakutte kyakusatu mu mpaka za MMC Mbarara Rally eggulo, Sebuguzi agamba nti entandikwa eno teyabadde mbi era tagenda kuddiriza mu mutindo gwe yalaze.

Sebuguzi yabadde n’omukisa okuwangula empaka zino kyokka yabonerezeddwa olw’obutamalaako ez’omwetooloolo ku Lwomukaaga ku kisaawe e Kakyeka.

Mmotoka ye yafunye obuzibu n’emira amazzi olwa nnamutikwa w’enkuba eyafudembye. Enkuba eyafudembye okumala ennaku bbiri, teyalobedde bawagizi bakira abagumira ebisooto, bakira mmotoka ze bifuumuula.

Sebuguzi yazze engulu ku lunaku olwokubiri n’amalira mu kifo ekyokubiri ku bubonero 80. “Enkuba yasoose n’etulemesa ku lunaku olwasoose ne nnemwa okumalira mu bifo 12 ebisooka.

Wabula olunaku olwokubiri (Ssande) nataddewo omutindo ne mmalira mu kyokubiri. Ng’enda kukozesa omukisa gw’obubonero bwe nafunye okulaba nga nsitukira mu ngule y’omwaka guno,” Ssebuguzi bwe yagambye.

Mu mpaka ze zimu, nnantameggwa wa 2016, Jas Mangat ne Hassan Alwi (eyamuddirira) tebaamazeeko olwa mmotoka zaabwe okufa mu lukontana olusembayo.

Omar Mayanja ye yawangudde empaka zino nga yazivugidde essaawa 1:51:26, n’addirirwa Sebuguzi (1:53:29), Duncan Mubiru (1:56:10). Christakis Fitidis yakutte kyakuna ate Ambrose Byona kyakutaano.

More From The Author

Emboozi z’omuwandiisi endala

Emboozi endala

Embeera y'amasiro nga bwegali mu kiseera kino

Omuwanika wa Buganda Waggwa...

OMUMYUKA ow’okubiri owa Katikkiro era Omuwanika wa Buganda,Robert Waggwa Nsibirwa bwe yabadde asoma embalirira...

Abakozi abakolera mu Owino balaajanidde Gavumenti ku mmaali yaabwe

Abakolera mu Owino balaajan...

ABASUUBUZI abakolera mu katale ka St.Balikudembe balaze obutali bumativu olw'abeebyokwerinda okubagaana okutaasa...

Eyafumitiddwa ebiso nga bw'afaanana

Kamyufu afumise munne ebiso...

OLWAMAZE okufumita munne ebiso n’agenda nga yewaana nti, ‘mumaze naye agende yejjanjabe nga nange bwe ngenda okwejjanjaba’....

Nnamwandu Sarah Nassiwa ng'akungubagira bba

Kamyufu afumise munne ebiso...

OLWAMAZE okufumita munne ebiso n’agenda nga yewaana nti, ‘mumaze naye agende yejjanjabe nga nange bwe ngenda okwejjanjaba’....

Ronald Kyobe ng'alaga emmwanyi ze. Ebifaananyi bya Ssennabulya Baagalayina

Abalimi b'emmwanyi e Lwaben...

ABALIMI b'emmwanyi mu ggombolola y'e Lwabenge e Kalungu kwe basinzidde okusaba Gavumenti nti tekoma kubakunga wazira...