Micho ng'atendeka abazannyi e Namboole.
Bya HUSSEIN BUKENYA
Ssande e Fort Portal - Tooro
Kitara Region - Cranes, 10:00
WADDE omupiira gwa Cranes ne Kitara Region si gwa maanyi, omutendesi Micho Sredojovic agamba nti mukulu nnyo eri abazannyi abalwana okuyingira mu ttiimu ye egenda okuttunka ne Cape Verde nga June 11 mu z’okusunsulamu abalizannya ez’Afrika eza 2019 e Cameroon.
Cranes esitula leero (Lwamukaaga) bazannye enkya (Ssande) e Fort Portal mu nkola yaayo ey’okutambula ebitundu by’eggwanga eby’enjawulo. Micho yategeezezza nti ekigendererwa ky’omupiira
guno kya kwetegererezaamu abazannyi b'anaagatta ku ttiimu enkulu.
Mu ttiimu gye yatutte mulimu; Savio Kabugo, Emma Okwi ne Francis Olaki abaazannyirako Cranes enkulu wabula m kampeyini ezisembyeyo, Micho abadde takyabayita olw’omutindo omubi ogw'ekibogwe nga n'abamu babadde n’obuvune.
"Njagala kwetegereza abamu ku bazannyi be naakozesa mu mpaka za
CHAN wamu ne ku ttiimu enkulu,” Micho bwe yategeezezza.
