TOP

Abazannyi ba Cranes beetegekedde eza CHAN

Added 19th July 2017

MU kampeyini 3 ezisembyeyo nga Uganda Cranes eyiseemu okuzannya empaka za CHAN, omuzannyi omu yekka y’aguliddwa ttiimu eziri ebweru w’eggwanga!

 Micho (ku kkono) ng’atendeka abazannyi e Lugogo.

Micho (ku kkono) ng’atendeka abazannyi e Lugogo.

 Bya HUSSEIN BUKENYA  

Lwamukaaga mu za CHAN  Uganda Cranes - South Sudan  

Ebisale 15,000/- 25,000/- ne 50,000/-  

MU kampeyini 3 ezisembyeyo nga  Uganda Cranes eyiseemu okuzannya  empaka za CHAN, omuzannyi omu  yekka y’aguliddwa ttiimu eziri ebweru  w’eggwanga!

Ku mulundi guno nga  bagenda okuzannya omupiira ogunaabasembeza  ku z’akamalirizo,  abazannyi bawaga nti baakuzannya  n’obukodyo obw’enjawulo, basikirize  ttiimu z’ebweru zibagule.  

Empaka za CHAN zizannyibwa  abazannyi abagusambira awaka  ng’ez’omulundi guno zaakubeera Kenya.  

Abazannyi aboolesa obukodyo obulungi,  basikiriza ttiimu ennene ne zibagula.  

Uganda, yeetegekera South Sudan  gy’eddiηηana nayo ku Lwomukaaga mu  mupiira gw’erina okuwangula okutangaaza  omukisa gw’okwetaba mu mpaka  z’omwaka.

Mu kutendekebwa kwa  ttiimu mu kisaawe e Lugogo, abamu ku  bazannyi baategeezezza nti; “Tumaze  ebbanga nga twetaba mu mpaka zino  wabula ku luno, twagala tukozese obukodyo  obw’enjawulo obusikiriza ttiimu  ennene zitugule naffe tulye ku nsimbi.”  

Uganda yaakeetaba mu mpaka  za mirundi 3 (2011, 2014 ne 2016)  kyokka mu zonna, yaakatunda Yunus  Ssentamu okuva  mu Vipers okwegatta  ku AC Vital  eya DR Congo.

Mu  2014 ezaali e South  Afrika, Ssentamu  yateeba ggoolo  3 ezaasika Vital  n’emugula.    

Nicholas Wadada, omu ku bakyasinze okulwa mu Cranes ezannya empaka zino yategeezezza nti bwe banneesogga ez’akamalirizo, e Kenya baakugenda n’ekiruubirirwa eky’okwolesa obukodyo obw’enjawulo obusikiriza bakitunzi.

Wadada yawagiddwa, Geoffrey Sserunkuuma,  Timothy Awany, Bernard  Muwanga ne Muzamir Mutyaba.

"Tugenda kukola nnyo tuyiseewo  ttiimu, bwe tutuuka e Kenya tutandike  okunoonya akatale nga tuzannya  omupiira ogututunda," Sserunkuuma,  kapiteeni wa ttiimu, era nga ye  yateeba ggoolo emu yokka Cranes  gye yafuna mu mpaka eziwedde, bwe  yategeezezza. 

Okutuukiriza kino, balina okusooka  okuwandula South Sudan, bwe baddingana  ku Lwomukaaga mu kisaawe  e Lugogo mu z’okusunsulamu.

Mu  gwasooka baagwa maliri (0-0) e Juba.  Cranes okuyitawo yeetaaga buwanguzi,  ettunke n'anaayitawo ku Rwanda  ne Tanzania, okufunako ttiimu egenda  okuzannya ez’akamalirizo.

Emirundi esatu Cranes gy’ekiise mu  CHAN, tevangako mu kibinja.  

SOUTH SUDAN BATUUKA LWAKUNA:

Omwogezi wa FUFA, Ahmed Hussein  yategeezezza nti ttiimu ya South Sudan  etuuka enkya (Lwakuna), wadde  ng'abakungu abamu baatuuse ku  Lwokubiri okugiteekerateekera.

More From The Author

Emboozi z’omuwandiisi endala

Emboozi endala

Embeera y'amasiro nga bwegali mu kiseera kino

Omuwanika wa Buganda Waggwa...

OMUMYUKA ow’okubiri owa Katikkiro era Omuwanika wa Buganda,Robert Waggwa Nsibirwa bwe yabadde asoma embalirira...

Abakozi abakolera mu Owino balaajanidde Gavumenti ku mmaali yaabwe

Abakolera mu Owino balaajan...

ABASUUBUZI abakolera mu katale ka St.Balikudembe balaze obutali bumativu olw'abeebyokwerinda okubagaana okutaasa...

Eyafumitiddwa ebiso nga bw'afaanana

Kamyufu afumise munne ebiso...

OLWAMAZE okufumita munne ebiso n’agenda nga yewaana nti, ‘mumaze naye agende yejjanjabe nga nange bwe ngenda okwejjanjaba’....

Nnamwandu Sarah Nassiwa ng'akungubagira bba

Kamyufu afumise munne ebiso...

OLWAMAZE okufumita munne ebiso n’agenda nga yewaana nti, ‘mumaze naye agende yejjanjabe nga nange bwe ngenda okwejjanjaba’....

Ronald Kyobe ng'alaga emmwanyi ze. Ebifaananyi bya Ssennabulya Baagalayina

Abalimi b'emmwanyi e Lwaben...

ABALIMI b'emmwanyi mu ggombolola y'e Lwabenge e Kalungu kwe basinzidde okusaba Gavumenti nti tekoma kubakunga wazira...