TOP

Mbappe; Man City ereese kiremya emufiirize Real Madrid

Added 27th July 2017

OLUTALO lw’okukansa musaayimuto, Kylian Mbappe lweyongedde okunyinyitira.

 Mbappe

Mbappe

OLUTALO lw’okukansa musaayimuto, Kylian Mbappe lweyongedde okunyinyitira.

Oluvannyuma lw’okukitegeeza nti Real Madrid yakkaanyizza emugule ku bukadde bwa pawundi 160, Man City ya Pep Guardiola yeesowoddeyo n’etegeeza nti nayo ssente ze batunda musaayimuto wa Bufalansa ono ezirina era eyingidde enteeseganya ne Monaco omuzannyi ono mw’azannyira.

Mbappe, 18, y’omu ku bamusaayimuto abakutte ensi y’omupiira omubabiro era Zinedine Zidane atendeka Real Madrid, yamusuubizza ennamba etandika mu ttiimu ye sizoni ejja singa anaabeegattako era kigambibwa nti abakungu ba Monaco baabadde bakkirizza okutunda ssita waabwe ono.

Wabula oluwulidde bino, ne Man City n’essaamu okusaba kwayo. “Ssente ezisobola okugula buli muzannyi tuzirina era tewali ayinza kutulema singa tulaga nti ddala tumwagala,” Guardiola bwe yategeezezza abaamawulire.

Bwe yabuuziddwa oba nga yataddeyo okusaba kwe eri omuzannyi ono, yagambye nti, “Mu kiseera kino omuzannyi gwe mumbuuzaako akyali wa Monaco kyokka buli kimu kisoboka.”

Bibadde bikyali bityo, ne Arsene Wenger atendeka Arsenal n’ategeeza nga bw’akyalina essuubi okukansa Mbappe.

Wenger agambibwa okuba n’enkolagana ey’amaanyi ne bazadde ba Mbappe era kino ky’asuubirwa okumuwa enkizo okukansa omuzannyi ono.

Wabula abagasomera mu nkuubo bagamba nti Wenger ayogerako bwogezi kuba talina ssente ze bamutunda.

Amawulire amalala gaategeezezza nga Monaco bw’eteeseganya okwongera Mbappe endagaano.

More From The Author

Emboozi z’omuwandiisi endala

Emboozi endala

Avuganya Ssekandi ku ky'omu...

RICHARD SEBAMALA avuganya omumyuka wa Pulezidenti, Edward Kiwanuka Sekandi ku babaka bwa Palamenti obwa Bukoto...

Lubega

Ebikonde sibyevuma - Lubega

OMUGGUNZI w'ehhuumi, Joey Vegas Lubega annyuse ebikonde oluvannyuma lw'emyaka 23 bukya alinnya kigere kye ekisooka...

Donald Trump

Trump alemeddeko ku by'akal...

EBY’AKALULU ka ssaayansi byongedde Donald Trump n’ategeeza nga bw’ali omusajja omukulu atayinza kukkiriza kuleka...

Paapa eyawummula Joseph Aloisius Ratzinger

Paapa Joseph Aloisius Ratzi...

PAAPA Benedict XVI eyawummula ng’amannya ge ag’obuzaale ye Joseph Aloisius Ratzinger muyi. Ratzinger 93 obulwadde...

Abaabadde balambula ppaaka ekolebwa.

Abakola ppaaka enkadde bale...

Bakansala ba KCCA abatuula ku kakiiko akateekerateekera ekibuga n’okuzimba nga bali wamu n’abakugu baalambudde...