TOP
  • Home
  • Mupiira
  • FUFA eronze Basena ne Kajoba okusikira Micho eyasuddewo Cranes

FUFA eronze Basena ne Kajoba okusikira Micho eyasuddewo Cranes

Added 31st July 2017

FUFA eronze Basena ne Kajoba okusikira Micho eyasuddewo Cranes lwa nsasula

 Moses Magogo pulezidenti wa FUFA ng'ayogera eri bannamawulire ku nsonga z'abadde omutendesi wa Cranes Micho Sredojevich eyasuddewo omulimu olw'okubanja omusaala. (STEPHEN MAYAMBA)

Moses Magogo pulezidenti wa FUFA ng'ayogera eri bannamawulire ku nsonga z'abadde omutendesi wa Cranes Micho Sredojevich eyasuddewo omulimu olw'okubanja omusaala. (STEPHEN MAYAMBA)

FUFA eronze Moses Basena ne Fred Kajoba, ababadde abamyuka ba Micho Sredojech okutendeka Uganda Cranes okumala ekiseera nga bwe balowooza ku ky’okufuna omutendesi omulala.

Micho ku Lwomukaaga yalangiriridde nga bw'asuddewo omulimu gw’okutendeka Cranes olw’ebbanja lya 54,000/- eza doola z’abanja FUFA ekyalese ttiimu nga telina mutendesi mu kiseera nga yeetegekera emipiira ena egy’akaasammeeme.

Uganda ezannya Rwanda emipiira ebiri ku luzannya olusembayo mu z’okusunsulamu z’empaka za CHAN 2018 so nga ne ttiimu enkulu ezannya Misiri emipiira ebiri mu z’okusunsulamu za World Cup ya 2018 egenda okubeera e Russia.

Ng’ayogera eri ab’amawulire, Ying. Moses Magogo, pulezidenti wa FUFA ategeezezza nga bwe batudde n’akakiiko ak’ekikugu ne bakkaanya nti Basena ne Kajoba ababadde bakola ne Micho basigale mu mitambo gya ttiimu eno oluvannyuma bakole ku ky’okufuna omutendesi ow’enkalakkalira.

Magogo ayongeddeko nti Micho ssente z’abadde abanja bagenda kuzimusasula naye ekisinga obukulu FUFA yeetaaga gavumenti egikwasizeeko ku misaala gy’abakozi ba ttiimu y’eggwanga ab’enkalakkalira ng’omutendesi, ensako ne tiketi z’entambula za ttiimu.

More From The Author

Emboozi z’omuwandiisi endala

Emboozi endala

Loodi Meeya Erias Lukwago ngakyazizza dayirekita wa Kampala omuggya, Dorothy Kisaka

Loodi meeya akyazzizza dayi...

  Ababiri basoose mu kafubo mu ofiisi za Loodi Meeya okumala essaawa bbiri nga bateesa. Lukwago yamwanjulidde...

Gav't etandise okugabira Ba...

GAVUMENTI etandise okugabira Bannakampala masiki eziyamba okutangira ssenyiga omukambwe kyokka abamu ku ba LC abaazikwasiddwa...

Kazinda ng'aleeteddwa mu kkooti

Kazinda ayolekedde okuyimbu...

EYALI omubalirizi omukulu mu ofiisi ya Katikkiro wa Uganda Geoffrey Kazinda ayolekedde okuyimbulwa mu kkomera e...

Kitatta ng'ali mu kaguli ka kkooti

Abudallah Kitatta ayimbuddw...

Hajji Abudallah Kitatta eyali omuyima wa bodaboda 2010 ayimbuddwa okuva mu kkomera gy'amaze emyaka 3.

Avuganya Ssekandi ku ky'omu...

RICHARD SEBAMALA avuganya omumyuka wa Pulezidenti, Edward Kiwanuka Sekandi ku babaka bwa Palamenti obwa Bukoto...