TOP

Cranes empadde amaanyi - Basena

Added 5th August 2017

“Ebiseera ebisinga entandikwa teba nnyangu wabula abazannyi be nnina bandaze nti ba njawulo.

 Basena ng’ali n’abazannyi ba Cranes e Namboole.

Basena ng’ali n’abazannyi ba Cranes e Namboole.

Bya HUSSEIN BUKENYA

August 12 mu za CHAN: Uganda - Rwamda, 10:00 OMUTINDO gw’abazannyi ba Cranes guwadde omutendesi Moses Basena essuubi n’agamba nti singa bigenda bwe biti, baakuwandulamu Rwanda, afuuke Munnayuganda asoose okutwala Cranes mu mpaka za CHAN.

Ttiimu eno ey’abaguzannyira awaka, yeetegekera kuttunka ne Rwanda nga August 12 mu St Mary’s Stadium e Kitende mu gw’oluzannya olusooka era Basena, eyalidde obutendesi buno wiiki ewedde, agamba nti ennaku ze yaakatendeka ttiimu eno ng’asikira Micho Sredojevic eyagenze mu Orlando Pirates, zimuwadde essuubi olw’omutindo abazannyi gwe baliko.

“Ebiseera ebisinga entandikwa teba nnyangu wabula abazannyi be nnina bandaze nti ba njawulo.

Buli kimu bakikolera mu budde ate nga bakolera wamu. Ng’omutendesi, kimpa amaanyi nti ebiseera byaffe eby’omu maaso bitangaavu era emipiira tujja kugiwangula,” Basena bwe yategeezezza.

Yayongeddeko nti, “Embeera eri mu nkambi terina njawulo n’eyo ebaddewo nga Micho waali era nsuubira nti tugenda kutambulira awo.”

Yasabye abazannyi okusigala ku mulamwa kuba abantu babatunuulidde nnyo okulaba ffoomu gye banaabeerako nga Micho amaze okugenda.

Mu kaseera kano, Basena essira asinze kulissa ku nneegaba y’abazannyi mu kisaawe, okutwala omupiira mu maaso mu bwangu ssaako engeri gye balina okugwa mu mipiira gy’omulabe.

Bukya Cranes ya CHAN etandika kuzannya za kusunsulamu ebadde ekwatibwamu batendesi Bazungu nga ku mulundi guno Munnayuganda Basena alina omukisa okugituusa mu mpaka z’akamalirizo ezinaabeera e Kenya omwaka ogujja.

Mu ttiimu eyawandudemu. South Sudan ku mugatte gwa (5-1), Geoffrey Sserunkuuma yekka y’ataliiwo kyokka Basena agamba nti eddibu lye yalizibye ne Muhammad Shaban (Onduparaka) ne Frank ‘Zaga’ Tumwesigye (Vipers).

More From The Author

Emboozi z’omuwandiisi endala

Emboozi endala

Dodoviko (aliko ssaako) ne banne ku mukolo ogumu.

Ebipya ebizuuse ku Dodoviki...

DODOVIKO Mwanje gwe balumiriza okumenya ekkanisa bongedde okumufunza! Lt. Col. Edith Nakalema olwamaze okukwata...

Lukwago nga bamukwasa empapula za FDC

FDC ewadde Lukwago bbendera...

ESSUUBI lya Ssalongo Erias Lukwago okwesimbawo ku bwa Pulezidenti bw’eggwanga ku tikiti ya FDC mu 2021 likomye...

Omukuumi ng'atwala Trump

Engeri abakuumi ba Trump gy...

PULEZIDENTI wa Amerika, Donald Trump yabadde wakati mu lukung’aana lwa bannamawulire ng’attaanya ensonga ey’obutale...

Ekizimbe kya Mabiirizi ku Bombo Road. Mu katono ye Winnie Mabirizi

Nnamwandu wa Mabirizi asony...

ABAKULEMBEZE b'abasuubuzi basabye bannannyini bizimbe okutwala ekyokulabirako kya nnannyini kizimbe kya Nalubega...

Abakungu mu kibiina kya Gen.Muntu nga baslaa Cake okwaniriza Winnie Kiiza

Winnie Kiiza yegasse ku kib...

OMUBAKA omukyala owa Kasese, Winfred Kiiza yegaasse ku kibiina kya Alliance for National Transformation (ANT) n’aweza...