TOP

Uganda ne Rwanda zirwanira kukiika mu mpaka za CHAN

Added 12th August 2017

AKAKUKU ka Uganda ne Rwanda mu mupiira kaakuttuka leero (Lwamukaaga), ttiimu zombi bwe zinaaba zirwanira ekifo okukiika mu mpaka z’Afrika eza CHAN ezeetabwamu abaguzannyira awaka.

 Benard Muwanga (ku kkono), Ismail Watenga, Moses Waiswa, Shafik Kagimu ne Derrick Nsibambi abaazannya South Sudan gye baakuba ggoolo 5-1 e Lugogo okuyitamu okusanga Rwanda gye bazannya leero.

Benard Muwanga (ku kkono), Ismail Watenga, Moses Waiswa, Shafik Kagimu ne Derrick Nsibambi abaazannya South Sudan gye baakuba ggoolo 5-1 e Lugogo okuyitamu okusanga Rwanda gye bazannya leero.

Leero mu za CHAN Uganda - Rwanda, 10:00 Kitende, St Mary’s Stadium

Uganda Cranes y’esoose okukyaza Rwanda mu mupiira gw’oluzannya olusooka ng’anaawangula emipiira gyombi (ogwa leero n’ogw’okuddihhana e Rwanda), waakuyitamu buteerevu.

Uganda yeetaaga okuwangula ne ggoolo eziwera ekendeeze ku puleese nga baddihhanye.

Omutendesi wa Cranes ow’ekiseera, Moses Basena n’omumyuka we Fred Kajoba, bagumu nti ttiimu gye balina nnungi era esobola okuwangula omupiira gwa leero n’okuwandulamu Rwanda.

“Emipiira wakati wa Uganda ne Rwanda giba mizibu naye tetulina kutya leero kuba abazannyi tubateeseteese bulungi ate nabo bamanyi obukulu bw’omupiira guno ne kye gutegeeza gye bali. Rwanda ekaluba naye naffe tuli b’amaanyi,” Basena bwe yagambye.

Guno gwe mupiira gw’ekigendererwa ogusoose eri abatendesi ab’ekiseera Basena ne Kajoba abaakwasibwa ttiimu oluvannyuma lwa Micho Sredojevich okulekulira.

Micho yayamba Uganda okuyitamu okuzannya mu za CHAN emirundi 2 mu 2014 ne 2016.

N’owa Rwanda awAGa Nga baakatuuka mu Uganda ku Lwokuna, Antonie Hey atendeka Rwanda yaweze nti wadde Uganda ebasinga ekifo mu nsengeka za FIFA, ebyo tebikola era bazze kugiswaliza mu maaso g’abawagizi baayo.

More From The Author

Emboozi z’omuwandiisi endala

Emboozi endala

RDC Kirabira ne ssentebe Matia Bwanika nga batema ddansi. EBIFAANANYI BYA PETER SSAAVA

CAO wa Wakiso atabaganyizza...

Akabaga kano akaabaddewo ku Lwokuna ku Maya Nature resort mu ggombolola y'e Nsangi e Wakiso, keetabiddwaako abakulira...

Omugenzi Sgt. Dick Magala

Abapoliisi abaafiiridde mu ...

GIBADDE miranga na kwazirana ku kitebe ky’ekitongole kya poliisi ekinoonyereza ku buzzi bw’emisango (CID) e Kibuli...

Ebimu ku bibala ebitwalibwa ebweru. Mu katono ye Kanyije.

Abatwala ebirime ebweru bee...

Abat wala ebirime ebweru w’eggwanga beemulugunya ku buseere bw’entambula y’ennyonyi ez’emigugu ng’ebisale byalinnyisibwa...

Ssentebe wa Luwafu B, Iga Gonzaga ng’annyonnyola abamu ku batuuze be ebyavudde mu kkooti.

Kkooti eyimirizza NEMA okug...

ABATUUZE b’e Kansanga abasoba mu 300 bafunye ku buweerero Kkooti Enkulu bw’efulumizza ekiragiro ekigaana ekitongole...

Abamu ku baffamire mu maka ga Maj. Mukasa e Kagoma.

Munnamagye eyayambako okule...

MUNNAMAGYE omulala, Maj. Gen. Eric Mukasa 60, eyakuba emmundu okuwamba enkambi y’e Kaweeweeta mu lutalo olwaleeta...