TOP

The Bombers egenze tewera

Added 22nd August 2017

TTIIMU y’eggwanga ey'ebikonde ‘The Bombers’, efuuyirira kanywe ereme kugobwa mu mpaka za 'World Boxing Championships' olw'okugenda nga tetuukirizza bisaanyizo.

 Muramagi (ku kkono) ne Galiwango (amuddiridde), nga bakwasa kapiteeni wa The Bombers, Kakande bendera

Muramagi (ku kkono) ne Galiwango (amuddiridde), nga bakwasa kapiteeni wa The Bombers, Kakande bendera

Bya Fred Kisekka

TTIIMU y’eggwanga ey'ebikonde ‘The Bombers’, efuuyirira kanywe ereme kugobwa mu mpaka za 'World Boxing Championships' olw'okugenda nga tetuukirizza bisaanyizo.

The Bombers yasitudde eggulo, okwolekera ekibuga Hamburg mu Girimaani ewagenda okuyindira empaka wakati wa August 25 ne September 3, kyokka nga tetuukirizza bisaanyizo ekibiina kya AIBA, ekitwala ebikonde mu nsi yonna, bye kyassaawo.

AIBA yalagira buli ttiimu egenda mu mpaka zino, ng'erina abazannyi abali wakati w'omu n'abasatu, okutwala abatendesi bana, omukungu ku lukiiko lw'ekibiina olufuzi, maneja wa wamu n'omusawo.

Uganda eyakiikiriddwa Muzamir Kakande (welter), David Ayiti (Super Heavy) ne Geoffrey Kakeeto (Bantam), yabadde erina okugenda n'ekibinja ky'abantu 11, kyokka yafunyeeko tikiti mukaaga zokka. Bwetyo yatutte abazannyi, abatendesi babiri (Patrick Lihanda ne Tonny Ssekabira) wamu n'omwogezi w'ekibiina ekitwala omuzannyo guno mu ggwanga, Fred Kavuma, eyagenze nga maneja.

Ku Lwokutaano, ssaabawandiisi wa NCS, Nicholas Muramagi ne Zubair Galiwango eyakiikiridde Ssentebe w'akakiiko kano, Bosco Onyik, baasiibudde ttiimu mu butongole ne bagiwa bendera y'eggwanga ne bakuutira abazannyi okwekkiririzaamu basobole okuwangula emidaali.

‘The Bombers’ yasembye okwetaba mu mpaka zino mu 2015 e Qatar era ku mulundi ogwo, Rodgers Ssemitala, Hassan Abdul ne Fazil Juma be baakiika.

Ayub Kalule (zaabu) ne Joseph Nsubuga (kikomo) be bokka abaali bawangulidde Uganda emidaali mu mpaka zino mu 1974 e Cuba.

More From The Author

Emboozi z’omuwandiisi endala

Emboozi endala

Olukiiko lwa NRM e Bukasa L...

WABADDEWO okusika omuguwa ku Ofiisi za NRM e Bukasa-Masozi mu Ggombolola y'e Bweyogerere mu Munisipaali y'e Kira...

Aba Takisi mu ppaaka y'oku ...

WABALUSEWO obutakanya mu ba takisi mu  ppaaka y'oku kaleerwe ekiwayi ekimu bwe kirumirizza nanyini ttaka kwe bakolera...

Nalweyiso ng'atottola obulamu bw'ekkomera

Gwe baakwatira mu Curfew ne...

OMUYIMBI  eyakwatibwa olw'okugyemeera ebiragiro bya pulezidenti oluvudde mu kkomera e Kigo nayiiya oluyimba lw'atumye...

Abaabadde batendekebwa okuyamba abakoseddwa mu mataba.

Ab'e Kasese abaakosebwa ama...

ABANTU b'e Kasese abaakosebwa amataba olw'omugga Nyamwamba okwabika bakyalaajanira gavumenti okubayamba waakiri...

 Abdallah Mubiru ng'ayogerako n'abazannyi be

Mubiru atendeka Police FC a...

OMUTENDESI wa Police FC, Abdallah Mubiru, aweze nga sizoni ejja bw’alina okulaba nga ttiimu ye evuganya ku bikopo....