TOP

KCCA yeegasse ku USPA

Added 31st August 2017

Abasambi ba KCCA FC beegasse ku bannamawulire abasaka ag’emizannyo abeegattira mu kibiina kya USPA, mu kampeyini y’okulwanyisa obubenje ku nguudo.

Omumyuka wa kiraabu ya KCCA FC Habib Kavuma ng'akwasa abavuzi ba Boda Boda obukoodti obutangaala ekiro mu kampeyini y'okulwanyisa obubenje nga beegasse ku USPA. (ekif:Silvano Kibuuka)

Omumyuka wa kiraabu ya KCCA FC Habib Kavuma ng'akwasa abavuzi ba Boda Boda obukoodti obutangaala ekiro mu kampeyini y'okulwanyisa obubenje nga beegasse ku USPA. (ekif:Silvano Kibuuka)

Baabadde ku siteegi za bodaboda e Kamwokya gye baagabidde obupande okuli obubonero bw’oku nguudo, ng’abasinga babadde tebabumanyi era n’abamu ne bafuna obukooti obwaka (Reflector Jackets).

Omumyuka wa kapiteeni wa KCCA FC, Habib Kavuma ne Gloria Naava, omukwanaganya wa kiraabu n’ekitongole kya KCCA, be baakulembeddemu bannaabwe okwogerako eri abavuzi ba bodaboda e Kamwokya.

“Kibadde kitukakatako okwogera n’aba bodaboda kuba balina okusooka okufa ku bulamu bwabwe nga tebannavuga basaabaze,” Kavuma bwe yategeezezza.

Ye Naava akubirizza aba bodaboda okusoma obubonero bw’oku nguudo, obutavuga ndiima ate n’asaba ne Poliisi y’ebidduka kukolaganira awamu ne KCCA basobole okussa obubonero buno ku siteegi za bodaboda ne mu paaka za takisi, abavuzi basobole okubusomanga buli kaseera.

Bino bye bimu ku bikujjuko bya USPA ebikuzibwa buli mwaka okujjukira bannabyamizannyo abaafiira mu kabeje e Lugazi mu 2001.

Bano kuliko; Kenneth Matovu, Leo Kabunga, Francis Batte ne Simon Peter Ekarot.

Pulezidenti wa USPA, Sabiiti Muwanga, yagambye nti omulamwa gw’omwaka guno guli, ‘Manya nti Sipiidi Etta’.

Kaweefube akomekkerezebwa ku Lwomukaaga e Wobulenzi mu Luweero.

More From The Author

Emboozi z’omuwandiisi endala

Emboozi endala

Abapoliisi nga balawuna mu Kampala.

Okunoonyereza kulaze ebibul...

OKUYITA mu kunoonyereza kwa Vision Group etwala ne Bukedde, Bannayuganda balaze ebyokwerinda n’obutebenkevu bwe...

Nakibinge

Kasikonda amusse ayigga kalulu

KASIKONDA akutte eyeesimbyewo ng'anoonya akalulu n'aziyira. Amulumye okumala ennaku nnya ng'assiza ku byuma oluvannyuma...

Abasawo nga bassa omwana mu ‘incubator’

Bafunye ebyuma ebibikka abaana

OMUWENDO gw'abaana abafa nga tebannatuusa myezi 9 (kwe balina okuzaalibwa) mu disitulikiti y'e Kamuli, Buyende...

Katuukiro (owookubiri ku ddyo), Polof Kisambira (akutte akazindaalo) ne baminisita ba Busoga.

Kyabazinga akungubagidde Ntalo

KYABAZINGA wa Busoga William Wilberforce Nadiope IV akungubagidde Vincent Ntalo Kakete taata wa Katuukiro we, Dr....

Nassimu Kyazike.

'Muntaase munponye okusula ...

OMUSERIKALE wa UPDF abafere gwe baalimba okuguza enju ne bamwefuulira ne bamukuba kalifoomu n'okumubbako obukadde...