TOP

Miya atadde abawagizi ba Misiri ku bunkenke

Added 4th September 2017

ABAWAGIZI ba Misiri batadde pulezidenti w’ekibiina ekifuga omupiira mu ggwanga eryo, Hany Abo Rida ku nninga nga bamusaba agobe omutendesi Hector Cupper.

 Simon Moses, Obi Mikel ne Odion Ighalo aba Nigeria nga basanyukira emu ku ggoolo ze baakubye Cameroon. Badding'ana nkya e Cameroon.

Simon Moses, Obi Mikel ne Odion Ighalo aba Nigeria nga basanyukira emu ku ggoolo ze baakubye Cameroon. Badding'ana nkya e Cameroon.

Enkya mu za World Cup

Misiri - Cranes, 3:00 ez’ekiro SS3

Ekisaawe: Borg El Arab Stadium

ABAWAGIZI ba Misiri batadde pulezidenti w’ekibiina ekifuga omupiira mu ggwanga eryo, Hany Abo Rida ku nninga nga bamusaba agobe omutendesi Hector Cupper.

Bano bamugambye nti singa alemwa (Cupper) okukuba Cranes ggoolo 5-0 teyandisaanye kusigala ku ttiimu yaabwe.

Okutabuka kuno, kwaddiridde Cranes okukuba Misiri ggoolo 1-0 kye bagambye nti kyasannyalaza emikisa gyabwe okugenda mu World Cup e Russia omwaka ogujja.

Abawagizi abaasangiddwa mu kibuga Alexandria ekya Misiri, baagambye nti omutendesi waabwe Cupper by’atendeka tabimanyi kubanga yasanga ttiimu erina ennono y’okuzannya omupiira gwa kawoowo kyokka n’agigiggyako n’adda mu gw’okuzibira gw’atasobola.

“Cupper yatuggya ku nnono yaffe era kye kitukubya emipiira.

Misiri tebangako ttiimu yakuzibira, okuva edda nga tuzannya mupiira gwa kulumba era nga buli ttiimu kyetutyako, kyokka olaba Uganda etuuka okutukuba tubeera tuddiridde nnyo,” Mahdy Abudel Rahman omusomesa mu yunivasite emu e Misiri bwe yagambye.

Ono yeegaatiddwaako Passem Mohammed, omuvuzi wa takisi mu Alexandria, eyagambye nti, pulezidenti w’ekibiina ekitwala omupiira e Misiri (Abo), yabaleetera mukadde.

“Abo y’atusibyeko nnamukadde we. Omusajja yamusanga ali mu kiseera kya kunnyuka n’amuleeta attattane ttiimu yaffe.

Cupper, n’emipiira gy’awangula, agiwangulira ku lukisakisa,” Mohammed bwe yagambye.

Abawagizi baagasseeko nti, bawangudde ekikopo ky’Afrika emirundi mingi era nga tebakyetaaga okuggyako baagala kulaba ttiimu yaabwe mu World Cup kyokka Cupper alinga azannyira mu mukisa gwabwe.

Cupper, yeegatta ku Misiri mu 2015 n’agituusa ku fayinolo y’empaka za Afrika ezaali e Gabon mu January w’omwaka guno. Cameroon ye yabakuba ku ggoolo 2-1.

BATYA MIYA

Omuwuwuttanyi wa Cranes, Farouk Miya ye muzannyi abawagizi ba Misiri gwe basinga okutya nga bagamba nti bwe baba baakuwangula mupiira guno, ttiimu yaabwe erina okumusalira amagezi.

CRANES BATAKA

Eggulo (Ssande) Cranes lwe yatuuse mu kibuga Alexandria okwetegekera Misiri.

Omutendesi Moses Basena yategeezezza nti abazannyi be bonna bali mu mbeera nnungi era Bannayuganda enkya (Lwakubiri) basuubire obuwanguzi.

More From The Author

Emboozi z’omuwandiisi endala

Emboozi endala

Mbuga ne Vivian

Ebya SK Mbuga ne mukyala we...

JALIA Vivian Mbuga yasoose kuvaayo ng’ayita ku mukutu gwe ogwa Face book n’avumirira ebikolwa by’obutabanguko mu...

Obutungulu busobola okukugg...

GWE abadde alowooza nti obwavu bwakwesibako era nga n’olumu weeyita mwavu, okukaaba kwo kukomye anti obutungulu...

Paul Kafeero

Ebya Kafeero okuziikuulwa b...

ABAANA ba Paul Kafeero bana bapangisizza looya omupya okubawolereza mu musango ogwabawawaabiddwa bannaabwe 10....

Engeri Corona gy'akosezzaam...

Engeri abatawulira, abatayogera n’abaliko obulemu obulala ate nga balina obulwadde bw’olukonvuba gye bakoseddwaamu...

Ennyumba Ssendawula gye yazimba e Kayunga.

Famire y'omusama amansa sse...

OLUKIIKO lwa ffamire olwatudde ku nsonga z’omuvubuka wa ‘Rich Gang’ Luke Junior Ssendawula lwasazeewo aziikibwe...