TOP

Mike Mutebi atabukidde Derrick Nsibambi

Added 21st December 2017

Mike Mutebi atabukidde Derrick Nsibambi

OMUTENDESI wa KCCA FC  Mike Mutebi avudde mu  mbeera  n’akuba emmeeza
olw’omuteebi Derrick Nsibambi olw'okunyomoola amateeka ga kiraabu bwe yavudde mu mpaka za CECAFA e Kenya ku Ssande n’agaana okudda ku kiraabu mu budde era n’asuubiza okumubonereza.

Nsibambi ne banne okuli Paul Mucureezi,Timothy Awany,Muzamir Mutyaba,Allan Kateregga,Sadam Juma ,Benjamin Ochan,Isaac Muleme abaali mu CECAFA wamu ne Mustafa Kizza, Allan Okello,Julius Poloto,Muhammed Shaban abaali mu COSAFA, bonna baakomawo ku ttiimu enkeera w’olunaku lwe baava e Kenya ne Zambia wabula ye Nsibambi yakomyewo lwakusatu nga bagenda kuzannya Kirinnya Jinja SS mu Liigi ya babinywera ekyayisizza obubi omutendesi .

“Kyennyamiza nti abeeyita ba ssita mu ttiimu ate beebatalina mpisa,Derrick asobola atya okudda ku ttiimu olunaku lwe tuzannya Liigi ng’asuubira nze okumuwa omupiira? Ate n’agaana okujja gyendi okunyonnyola  wabula n’atuukirira balala,kino agenda ku kisasulira,” bwe yeecwacwanye Mutebi.

“Nsibambi abadde akola bulungi lwakuba ng’ali ne Geoffrey Sserunkuuma naye kati alowooza nti y’asinga,yeerabidde nti nina abaana abalina ennyonta bangi  ajja kumaliriza ali ku katebe,” bwe yayongeddeko.

KCCA FC yawangudde Kirinnya Jinja SS ggoolo 2-1 ezaatebeddwa eyatutte ekirabo kya FortBet eky’omusambi  w’olunaku Patrick Kaddu era obuwanguzi buno bw’atadde KCCA FC mu kifo kya kubiri n’obubonero 26 ng’ekyaza Express ku lwomukaaga.

 

 

More From The Author

Emboozi z’omuwandiisi endala

Emboozi endala

Ssebaggala omu ku battiddwa

Abasudan ab'emmundu bawamby...

AKABINJA ka bannansi ba South Sudan ababagalidde emmundu bawambye Bannayuganda abavuga loole ezitwalayo amatooke,...

Ab'amasomero g'obwannannyin...

ABAKULIRA amasomero g’obwanannyini bateegezezza nga bwebetegese okuddamu okusomesa abaana.

NABILLAH ABUUZIZZA ABA FDC ...

Mercy Walukamba, akulira akakiiko k’ebyekulonda mu kibiina kya NUP, yalangiridde Nabillah ku buwanguzi oluvannyuma...

Abaana nga balaba ttivvi.

Engeri omuzadde gy'olambika...

MU mbeera eno ng’abayizi basomera ku ttivvi kitegeeza nti ebbanga abaana lye bamala ku ttivvi lyeyongera. Ng’oggyeeko...

Obwongo bw'abaana abadda ku...

OLUVANNYUMA lwa Gavumenti okulangirira nti abayizi abamu baddyo okusoma nga October 15, 2020, abazadde baatandise...