TOP
  • Home
  • Ebyemizannyo
  • Museveni atadde FUFA ku nninga ku ssente z'ekung'aanya ku miryango: 'Muziteeka wa?'

Museveni atadde FUFA ku nninga ku ssente z'ekung'aanya ku miryango: 'Muziteeka wa?'

Added 3rd January 2018

"Buli ttiimu lw'ebeera n'omupiira omunene mukaaba ensimbi, naye zo ssente ze musolooza ku miryango ziraga wa?" Pulezidenti Museveni bwe yabuuzizza abakungu ba FUFA abaakulembeddwa pulezidenti waayo, Moses Magogo.

Pulezidenti Museveni ng'asiibula abazannyi ba Cranes oluvannyuma lw'okubasisinkana

Pulezidenti Museveni ng'asiibula abazannyi ba Cranes oluvannyuma lw'okubasisinkana

PULEZIDENTI Yoweri Museveni atadde abakulembeze ba FUFA ku nninga bannyonnyole gye bateeka ssente ze basolooza ku miryango nga ttiimu y'eggwanga (Uganda Cranes) ezannya.

"Buli ttiimu lw'ebeera n'omupiira omunene mukaaba ensimbi, naye zo ssente ze musolooza ku miryango ziraga wa?" Pulezidenti Museveni bwe yabuuzizza abakungu ba FUFA abaakulembeddwa pulezidenti waayo, Moses Magogo.

Okusinziira ku Linda Nabusaayi, munnamawulire wa Pulezidenti, aba FUFA baajulizza NCS (akakiiko akavunaanyizibwa ku mizannyo mu ggwanga) nti ensaasaanya ya ssente zino kagimanyi.

Abakungu ba FUFA, abazannyi ba Cranes, abakulembeze ba ttiimu z’eggwanga ez'okubaka eya She Cranes ne She Pearls (ey'abato) eggulo baakyalidde Pulezidenti ne mukyala we, era nga ye minisita w'Ebyemizannyo, Janet Museveni, mu maka gaabwe e Rwakitura.

Yasoose kubagabula kijjulo, n'oluvannyuma ne bawayaamu ku ngeri ebyemizannyo gye bitambulamu mu ggwanga.

NCS yakulembeddwa ssentebe Bosco Onyik. Mu nsisinkano eno, Pulezidenti yawadde FUFA akawumbi kamu okuddaabiriza bbaasi etambuza abazannyi ba Cranes, eyafuna akabenje ttiimu bwe yali eva e Soroti okumusisinkana mu December 2015.

Kuno yagasseeko n'okubasuubiza bbaasi endala.

 

More From The Author

Emboozi z’omuwandiisi endala

Emboozi endala

UNEB ewadde abayizi wiiki 5...

MINISITULE y’ebyenjigiriza ewadde abazadde n’abayizi omwezi gumu okusasula ssente z’ebigezo n’okwewandiisa okukola...

Trump ne Biden

Omugagga asasulidde abasibe...

OMUSAJJA bifeekeera, omu ku basinga obugagga mu Amerika akutte doola obukadde 16 n’asasulira abasibe 32,000 engassi...

Abawagizi ba Rukutana nga bajaganya

Engeri ebya Rukutana gye bi...

EBY’OBULULU bw’e Rushenyi bikyuse minisita Mwesigwa Rukutana bw’alangiddwa ng’eyawangudde akalulu k’essaza lino...

Omuyimbi Pia Pounds yeekokk...

Sheilah Gashumba kirabika kati ye yeekwatiramu mu kukuba ebifaananyi

Malokwezza ne mukazi nga bajaganya

Tofiri Malokweza (92): Ayog...

Bw’OLABA omuntu ow’emyaka 92 tolemwa kutendereza Katonda ate ng’eno bwe weebuuza ekyama kye ekimusobozesezza okuwangaala....