TOP

Tulina amaanyi okukuba Zambia - Cranes

Added 14th January 2018

Tulina amaanyi okukuba Zambia - Cranes

 Matia Lule ng'awa Muleme ebiragiro

Matia Lule ng'awa Muleme ebiragiro

Leero mu za CHAN

Uganda - Zambia ssaawa 4:30 ez’ekiro

SEBASTIEN Desabre omutendesi wa Cranes omuggya leero lw’asabuukulula ettu ery’emyaka esatu ly’aleetedde Bannayuganda gy’anaamala ng’atendeka ttiimu eno. Desabre y’adidde Micho Sredojevic mu bigere ku komerero y’omwezi oguwedde. Okuviira ddala ku bazannyi, bakama be (aba FUFA), abawagizi wamu ne Gavumenti balina essuubi ddene mu mutendesi ono naddala engeri gye yasembebwa Omuzambia, Kalusha Bwalya omu ku basinga obukugu n’erinnya mu mupiira gw’Afrika.

Desabre ekigezo ekisooka akitandikidde ku Zambia eya Bwalya eyamusemba ku mulimu guno. Guno gwe mupiira ogw'ekigendererwa Desabre gw'agenda okusooka okutendeka ttiimu y’eggwanga mu byafaayo kuba abadde atendeka kiraabu bukya ayingira mulimu guno.

Uganda yeetaaga buwanguzi mu mupiira guno okwewala embeera y’obutava mu kibinja gy’ezze eberamu enfunda essatu ze badde mu mpaka zino.

Okuggyawo kino, Desabre yategeezezza nti akoze buli kisoboka okulaba nga ttiimu ye etandika n’obuwanguzi era alina essuubi nti Zambia yaakufuluma ekisaawe kya Stade de Marrakesh nga ekaaba kuba obukodyo obugikuba abulina.Desabre agamba nti, “Zambia nnungi naye tugenda kuginyigiriza tufune obuwanguzi bwe twetaaga. Tubadde n’akaseera katono okugezeserezaamu bye twagala kyokka bye tukoze bisobola okutuwa obuwanguzi,” Desabre bwe yategeezezza.

Yalagidde abazannyi okukozesa buli mukisa gwe bafuna kuba mu mpaka nga zino ttiimu ziba zeenywezezza. Yabakalaatidde okuzanya omupiira ogw’akawoowo kuba gwe guleeta amangu obuwanguzi ate nga gunyumira abalabi. ani asinze okwetegeka Cranes, enkambi yagikubye mu kibuga Rabat ekya Morocco ng’eno yazannyiddeyo emipiira ebiri omutendesi mwe yagezeserezza abazannyi.

Yalemaganye ne Guinea (1-1) ate n’ekubwa Congo Brazzaville (1-0). Mu mipiira gino, Desabre yagezesezza abazannyi ab’enjawulo ng’agamba nti anoonya ttiimu esooka era nga giwedde, yategeezezza abazannyi nti, “Kati eby’okutukuba tubyerabire kuba egyo gibadde gya kwegezaamu.

Tutandise omulimu era tulina okulaga lwaki twajja e Morocco nga bukyali,” Zambia yakoze mu ngeri y’ow’amaanyi takeera kuba e Morocco yatuuseeyo Lwakuna sso nga Cranes emazeeyo wiiki nnamba. Zambia yeegezezzaamu ne Orlando Pirates ey’e South Afrika n’ewangula (3-1). Orlando etendekebwa Micho Sredojevic eyaliko omutendesi wa Cranes.

CRANES ANES OK UWANGWANG ULA EKO EKOLE KI ? Emipiira ebiri Cranes gy’ezannye gyombi baagitebyemu nga kitegeeza nti omutendesi wadde ayagala nnyo omupiira gw’okulumba alina okulonda abazannyi abasobola okuzibira obulungi.

More From The Author

Emboozi z’omuwandiisi endala

Emboozi endala

Pasita Caleb Tukaikiriza ng'ayogera mu lukiiko. Ku ddyo ye Bbaale.

Abawala 300 mu Kalungu bazz...

OMUBAKA wa Gavumenti, Pastor Caleb Tukaikiriza agugumbudde abazadde abatatuukirizza buvunaanyizibwa bw’okukuuma...

Abazannya ‘Bizzonto’ nga beegezaamu.

Abazannya komedi wa 'Bizzon...

POLIISI ezzeemu okukwata abasajja abazannya komedi wa ‘Bizzonto’ ne basimbibwa mu kkooti ya Buganda Road gye babasomedde...

Kluthum

Kluthum ayogedde ku katambi...

MUKYALA wa Sheikh Muzaata Batte, Kluthum Nabunnya ayogedde ku katambi akaamutabula ne bba bwe yali ayogera ne ‘hawusibooyi.’...

Bannamateeka ba Kyagulanyi okuli Medard Lubega Sseggona ( ku kkono), Muwanda Nkunnyingi ne Sam Muyizzi.

Kkooti esazeewo ku gwa Kyag...

KKOOTI ekkirizza Kyagulanyi okuggyayo omusango gw’obululu gwe yawaaba wabula abalamuzi baakuwa ensala yaabwe ku...

Siraje Kiyemba Expert ng’alaga ebirabo by’atunda.

Kaadi n'ebirabo byongereko ...

OBADDE okimanyi nti ekirabo ky’otunda okwagaliza omuyizi okukola obulungi ebibuuzo eby’akamalirizo osobola okukyongerako...