TOP

Desabre azudde abazannyi abaamukubya Zambia

Added 17th January 2018

WADDE nga mu kusooka yagaanyi okunokolayo omuzannyi ssekinnoomu gw’anenya okuviirako ttiimu okuvuya mu mupiira gwa CHAN, Cranes gwe yasoose okuzannya ne Zambia, omutendesi Sebastien Desabre ategeezezza nga bw’agenda okukola enkyukyuka atuuze abazannyi abaabadde n’omutindo gw’ekibogwe.

 Omutendesi Sebastien Desabre

Omutendesi Sebastien Desabre

Bya STEPHEN MAYAMBA, Marakech-Morocco

Lwakuna (ekiro) mu CHAN;

Ivory Coast - Zambia, 1:30

Uganda - Namibia, 4:30

WADDE nga mu kusooka yagaanyi okunokolayo omuzannyi ssekinnoomu gw’anenya okuviirako ttiimu okuvuya mu mupiira gwa CHAN, Cranes gwe yasoose okuzannya ne Zambia, omutendesi Sebastien Desabre ategeezezza nga bw’agenda okukola enkyukyuka atuuze abazannyi abaabadde n’omutindo gw’ekibogwe.

Uganda yakubiddwa Zambia ggoolo 3-1 mu kibinja B mu mpaka za African Nations Championships (CHAN) eziyindira e Morocco.

Kino kyagitadde mu kattu nga kati yeetaaga okugoba emipiira gyayo ebiri egisigadde bw’eba yaakuva mu kibinja mw’ekoobedde.

Zambia ne Namibia zaawangudde emipiira egyasoose. Desabre agamba nti;

“Ku mupiira gwa Namibia enkya (Lwakuna) ng’enda kukyusa amakkati kuba ge gasinga okukola obubi. Kyatukoze bubi okukubwa era ndi mukwetegereza abazannyi abatatandise ogwa Zambia ndabe abanasobola okuntaasa okufuna wiini ku Namibia.” Mutyaba ne Sadam baakutuula.

Okusinziira ku Ahmed Hussein, omwogezi wa FUFA ali ne ttiimu e Marakech tewali buvune bwonna wabula embeera ya kimpowooze ng’abazannyi tebakyayala olw’okukubwa Zambia ekiraga nti baayisiddwa bubi.

“Obutawangula Zambia kyayisizza bubi abazannyi era ne mu nkambi kyeraga. Kyokka omutendesi yayogedde nabo n’abagumya baleme kwe kubagiza,” Hussein bwe yagambye.

Yayongeddeko nti, Muzamir Mutyaba ne Saddam Juma be bazannyi omutendesi kwe yasonze.

More From The Author

Emboozi z’omuwandiisi endala

Emboozi endala

Ntambi ng'atwalibwa mu kkomera e Luzira.

Sylvia Ntambi owa Equal Opp...

Omulamuzi Pamela Lamunu  owa kkooti ewozesa abalyake n'abakenuzi e Kololo  asindise Muweebwa mu kkomera bwalemeddwa...

Kalenda okuli ebifaananyi bya Yiga

Olumbe lwa Pasita Yiga balu...

Mu lumbe lwa pasita Yiga abatunda eby'okulya, masiki n'abatunda t-shirt okuli ekifaananyi ky'omugenzi bali mu keetalo...

Kaadi y'embaga ya Ramond ne Joy.

Abadde agenda okukuba embag...

Kigambibwa nti omugenzi baamuddusizza mu ddwaaliro Iya IHK abasawo gye bakizuulidde nti omusaayi gubadde gumaze...

Paasita Yiga ng'ali n'abagoberezi be

Ebintu by'azze apanga okufu...

OMU ku baali abakubi b’endongo mu Revival Band yagambye nti, yagyegattako mu 2014 kyokka nga baalina ekizibu ky’okuba...

Pasita Yiga ng’abuulira enjiri.

Engeri Yiga gye yeeyubula o...

AUGUSTINE Yiga ‘Abizzaayo', yazaalibwa mu maka maavu, n'alaba embaawo nnya zokka, tebyamulobera kwetetenkanya kufuuka...