TOP

Ssentebe wa Express afuumuule abakungu abaagifuula eyaabwe

Added 1st April 2018

Ssentebe wa Express afuumuule abakungu abaagifuula eyaabwe

 Nkubuulira Alaali ne George Ssemwogerere

Nkubuulira Alaali ne George Ssemwogerere

KA nneebaze bonna abaawulira omulanga gwange ne mujja okuyamba Express FC ne muwaayo kye mwasobola era nkimanyi nti n’abalala bakyajja. Nneebaza abantu abazze okunziikirako kitange Omugenzi Godfrey Kirinnya e Kololo Mawokota, Katonda amuwe ekiwummulo eky’emirembe.

Abaganda bagamba nti nnannyini mufu y’akwata awawunya. Abantu bangi bakikoze naye tulina okwebuuza nti tunaatambulira mu mbeera eno okutuusa ddi? Abantu abakutte awawunya be baani?

Ate abatutuusizza wano okutuswaza be baani? Tulina okukkiriza nti ba Express era balumwa naye kye bakola bakimanyi? Bongera kwonoona mu butamanya?

Ebibuuzo ebyo sijja kubiddamu naye buli wa Express abyebuuze oluvannyuma yeddemu nti ttiimu eyo tegenda kuddamu kubeera we yali. Emabegako, waliwo omuwagizi yavuma Hajji Medi Ssebaggala ekigambo nga kizito nnyo era Ssebaggala ne yeerayirira obutaddamu kukulembera Express.

Mu mazima, oluvannyuma omuwagizi oyo yagamba nga tumaze okulonda nti baamuwa ssente ne banne bavume Ssebaggala yeekyawe basseewo ssentebe owaabwe. Ekituusizza Express w’eri kati kiri nti omuwagizi ayogera ekigambo ky’akimanyiiko ng’ayagala bamuwulirize n’atabula ttiimu ng’ate ne gw’ayagala baleete talina busobozi gye biggweera nga ttiimu ezze emabega.

Hajji Hassan Bulwadda ng'abuuza ku bazannyi ba Express

Mu kaseera kano, tulina okuba abeegedereza ennyo era ttiimu Express erina kufuuka kkampuni ekulemberwe okusinziira ku migabo. Abakulu abaasonze ssente tubamanyi bulungi naye abasinga baali baatuwa dda ku ssente mu kaseera akazibu nga kano. Kiraga nti waliwo ebitatambula bulungi mu nzirukanya ya ttiimu era wano obuzibu we buva kuba abaliwo tebeebuuza ku babaddewo.

Waliwo abakungu abalina okuwummuzibwako mu express babaddewo nnyo ng’ebintu bitambula bubi era be bamu abalemesa abandituyabye okudda ku ntikko. Abantu abo obwongo bwabeesibira awo era Express eyagala kugogola bonna abakadde okuviira ddala ku mukulu w’abawagizi okutuuka ku ayoza emijoozi bagende kuba bamanyidde nnyo ttiimu era tebakyasobola kulowooza kipya.

Ttiimu yeetaaga bakulembeze abalina endowooza empya ezinyiza okugiyamba okudda engulu. Nsabe ssentebe omuggya Hajj Bulwadda awummuze ku bantu abaludde ku ttiimu ate nga teyeeyongerako.

Express erina abantu bangi abalina obusobozi naye ng’abo abaggwaamu babalemesa kuba balowooza nti be bamanyi ate nga tebamanyi. georgesimlala@gmail.com 0702129092

More From The Author

Emboozi z’omuwandiisi endala

Emboozi endala

Amasannyalaze gakubye babir...

Entiisa yabuutikidde abatuuze ku kyalo Wantoni mu Mukono Central division, Mukono munisipaali, abasajja babiri...

Loodi Meeya Erias Lukwago ngakyazizza dayirekita wa Kampala omuggya, Dorothy Kisaka

Loodi meeya akyazzizza dayi...

  Ababiri basoose mu kafubo mu ofiisi za Loodi Meeya okumala essaawa bbiri nga bateesa. Lukwago yamwanjulidde...

Gav't etandise okugabira Ba...

GAVUMENTI etandise okugabira Bannakampala masiki eziyamba okutangira ssenyiga omukambwe kyokka abamu ku ba LC abaazikwasiddwa...

Kazinda ng'aleeteddwa mu kkooti

Kazinda ayolekedde okuyimbu...

EYALI omubalirizi omukulu mu ofiisi ya Katikkiro wa Uganda Geoffrey Kazinda ayolekedde okuyimbulwa mu kkomera e...

Kitatta ng'ali mu kaguli ka kkooti

Abudallah Kitatta ayimbuddw...

Hajji Abudallah Kitatta eyali omuyima wa bodaboda 2010 ayimbuddwa okuva mu kkomera gy'amaze emyaka 3.