TOP

Nkata yalaze obutiitiizi okusuulawo obutendesi bwa URA FC

Added 30th April 2018

WIIKI ewedde, Paul Nkata yasuddewo obutendesi bwa URA FC amangu ddala nga KCCA ebawuttudde ggoolo 7-1 mu liigi ya babinywera. Omupiira gwabadde ku kisaawe kya KCCA e Lugogo.

Paul Nkata eyasuddewo URA FC

Paul Nkata eyasuddewo URA FC

KCCA ye kyampiyoni era nga yaakabubeera sizoni bbiri eziddirihhana. Mu 2016, Nkata ye yatwala engule y’obutendesi mu Kenya oluvannyuma lw’okuyamba Tusker n’ewangula liigi n’ekyokusirisizaawo mu ggwanga eryo.

Wabula yeewuunyisa bannabyamizannyo, bwe yasuulawo Tusker, evuluuja mu nsimbi, n’agenda mu Bandari FC, emu zirwanyisa okusalwako.

Mu December w’omwaka oguwedde, Bandari yamugoba ng’alemeddwa okugisitula era mu bwangu nnyo URA yamwerondera oluvannyuma lw’okugoba Ibrahim Kirya.

Olwesogga URA, Nkata yagoberawo abamu ku bazannyi abaluddemu ng’agamba nti talina ky’ajja kubongerako era yalabula abalala nti, “Atasobola kusiba bulungi mupiira na kukuba paasi yeegobe yekka.” Ensi erimu ensozi, emiseetwe n’ebikko era omusajja yenna alina okubisanga.

Nkata okudduka URA olw’okuba KCCA yabawuttudde olukunkumuli lwa ggoolo yalaze obunafu. Omusajja yenna alina kuyiiya bw’ayita mu kaseerezi.

Sir Alex Ferguson ng’akyatendeka ManU, yawuttulwa Man City (6-1) ku Old Trafford. Wenger, agenda okwabulira Arsenal, yatimpulwako ManU (8-2), Mourinho, kati ali mu ManU, ng’ali mu Real Madrid yawuttulwa Barcelona (5-0).

Guardiola, eyawangulidde Man City ekikopo, ng’ali mu Bayern, yatimpulwa Barcelona (4-0) mu Champions League.

Mike Mutebi, atendeka KCCA kati, yali mu mitambo gya ttiimu y’eggwanga ey’abatasussa myaka 23 (Kobs) n’ewuttulwa Nigeria (8-1) mu mizannyo gy’Afrika e Zimbabwe mu 1991.

Abatendesi abo be mmenye tebaasuulawo mirimu wabula beefunyirira ku kuzuula ensobi ne balongoosa amannya gaabwe.

Kati bonna bassibwamu ekitiibwa. Buli mulimu gulimu ebizibu naye bw’obisanga n’obidduka obeera mutiitiizi era oswaza abaakusomesa. Nkata aswazizza abaamusomesa obutendesi kuba si y’asoose okuwuttulwa olukunkumuli lwa ggoolo.

Omusajja yenna tasuubira kusanga bulamu bwa museetwe.

kkawuma@newvision.co.ug 0772371990

More From The Author

Emboozi z’omuwandiisi endala

Emboozi endala

Abapoliisi nga balawuna mu Kampala.

Okunoonyereza kulaze ebibul...

OKUYITA mu kunoonyereza kwa Vision Group etwala ne Bukedde, Bannayuganda balaze ebyokwerinda n’obutebenkevu bwe...

Nakibinge

Kasikonda amusse ayigga kalulu

KASIKONDA akutte eyeesimbyewo ng'anoonya akalulu n'aziyira. Amulumye okumala ennaku nnya ng'assiza ku byuma oluvannyuma...

Abasawo nga bassa omwana mu ‘incubator’

Bafunye ebyuma ebibikka abaana

OMUWENDO gw'abaana abafa nga tebannatuusa myezi 9 (kwe balina okuzaalibwa) mu disitulikiti y'e Kamuli, Buyende...

Katuukiro (owookubiri ku ddyo), Polof Kisambira (akutte akazindaalo) ne baminisita ba Busoga.

Kyabazinga akungubagidde Ntalo

KYABAZINGA wa Busoga William Wilberforce Nadiope IV akungubagidde Vincent Ntalo Kakete taata wa Katuukiro we, Dr....

Nassimu Kyazike.

'Muntaase munponye okusula ...

OMUSERIKALE wa UPDF abafere gwe baalimba okuguza enju ne bamwefuulira ne bamukuba kalifoomu n'okumubbako obukadde...