TOP
  • Home
  • Mupiira
  • KCCA tetiisa wabula baddiifiri - Al Ahly

KCCA tetiisa wabula baddiifiri - Al Ahly

Added 15th May 2018

OMUTENDESI wa KCCA FC, Mike Mutebi akoowodde Bannayuganda okugenda mu bungi e Namboole bawagire ttiimu ye ng’ettunka ne Al Ahly eya Misiri olwaleero.

 Abazannyi ba Al Ahly nga babuguma eggulo mu kutendekebwa e Namboole.

Abazannyi ba Al Ahly nga babuguma eggulo mu kutendekebwa e Namboole.

Leero mu z’Afrika (10:00);

KCCA FC - Al Ahly (Misiri)

EBISALE; 10,000/-, 20,000/-, 50,000/- ne 100,000

Basisinkanye mu mpaka za ‘Total CAF Champions League’ nga buli ttiimu enoonya buwanguzi obusooka mu kibinja ekikulembeddwa Township Rollers eya Botswana ku bubonero 3.

Al Ahly ne Esperance eya Tunisia balina akabonero kamu ate KCCA (0).

Mu lukiiko lw’abaamawulire eggulo e Namboole, Mutebi yagambye nti Al Ahly ya linnya naye KCCA erina obusobozi obugimegga olw’abazannyi abato abekkiririzaamu.

“Edda, kiraabu za Uganda zaagendanga okuyingira ekisaawe nga zaatidde dda ttiimu z’Abawarabu, ekyazikubyanga. Kati ebyo byaggwaawo dda,” Mutebi bwe yategeezezza eggulo.

Yagasseeko nti, “Abazannyi abato be nnina nga Allan Okello, Julius Poloto ne Mustafa Kiiza bekkiririzaamu kubanga babadde ku ttiimu y’eggwanga ate abamu bazannye ku mpaka zino. Bajja kukola kye twagala.”

OWA MISIRI ATIDDE

Ye omutendesi wa Al Ahly, Hossam El Badry yakkiriza nti KCCA kati ya maanyi olw’omupiira gw’Afrika okweyongera okukula n’agattako nti, “Tujja kufuna obuwanguzi singa omupiira guno gunaalamulwa mu bwenkanya.”

Yakkaatirizza nti obwenkanya kintu kikulu nnyo mu mupiira era singa bunaagobererwa tewali kigenda kubalemesa kufuna buwanguzi ku KCCA.

Yagambye nti KCCA bagimanyi bulungi kubanga bazze bagigoberera okuviira ddala mu liigi wamu n’omupiira gwa Township Rollers.

BULI OMU ANOONYA BUWANGUZI

KCCA ne Al Ahly buli omu ayigga buwanguzi obusooka mu kibinja kino ekikulembeddwa Township Rollers eya Botswana.

Mu gyaggulawo ekibinja, KCCA yakubwa Township Rollers (1-0) e Gaborone ate Al Ahly yalemagana (1-1) ne Esperance eya Tunisia e Cairo. Sizoni ewedde, KCCA teyawangulirwako ku butaka kyokka era yakubwa emipiira gyonna ku bugenyi.

Omupiira gwa leero gugisanze mu kyakubiri mu liigi ya babinywera nga yasembyeyo kuwangula Kirinya Jinja SS (1-0) e Bugembe mu Jinja.

Al Ahly, kirimaanyi mu Afrika nga yakubwa Wydad Cassablanca eya Morocco ku fayinolo sizoni ewedde.

Al Ahly y’erina likodi y’okuwangula empaka zino emirundi emingi (8) nga lwe yasemba okukyala mu Uganda, yalemagana (0-0) ne SC Villa kyokka n’ewangula 6-0 e Cairo.

 

 

“Edda, kiraabu za Uganda zaagendanga okuyingira ekisaawe nga zaatidde dda ttiimu z’Abawarabu, ekyazikubyanga. Kati ebyo byaggwaawo dda,” Mutebi bwe yategeezezza eggulo. Yagasseeko nti, “Abazannyi abato be nnina nga Allan Okello, Julius Poloto ne Mustafa Kiiza bekkiririzaamu kubanga babadde ku ttiimu y’eggwanga ate abamu bazannye ku mpaka zino. Bajja kukola kye twagala.” OWA MISIRI ATIDDE Ye omutendesi wa Al Ahly, Hossam El Badry yakkiriza nti KCCA kati ya maanyi olw’omupiira gw’Afrika okweyongera okukula n’agattako nti, “Tujja kufuna obuwanguzi singa omupiira guno gunaalamulwa mu bwenkanya.” Yakkaatirizza nti obwenkanya kintu kikulu nnyo mu mupiira era singa bunaagobererwa tewali kigenda kubalemesa kufuna buwanguzi ku KCCA. Yagambye nti KCCA bagimanyi bulungi kubanga bazze bagigoberera okuviira ddala mu liigi wamu n’omupiira gwa Township Rollers. BULI OMU ANOONYA BUWANGUZI KCCA ne Al Ahly buli omu ayigga buwanguzi obusooka mu kibinja kino ekikulembeddwa Township Rollers eya Botswana. Mu gyaggulawo ekibinja, KCCA yakubwa Township Rollers (1-0) e Gaborone ate Al Ahly yalemagana (1-1) ne Esperance eya Tunisia e Cairo. Sizoni ewedde, KCCA teyawangulirwako ku butaka kyokka era yakubwa emipiira gyonna ku bugenyi. Omupiira gwa leero gugisanze mu kyakubiri mu liigi ya babinywera nga yasembyeyo kuwangula Kirinya Jinja SS (1-0) e Bugembe mu Jinja. Al Ahly, kirimaanyi mu Afrika nga yakubwa Wydad Cassablanca eya Morocco ku fayinolo sizoni ewedde. Al Ahly y’erina likodi y’okuwangula empaka zino emirundi emingi (8) nga lwe yasemba okukyala mu Uganda, yalemagana (0-0) ne SC Villa kyokka n’ewangula 6-0 e Cairo.

More From The Author

Emboozi z’omuwandiisi endala

Emboozi endala

Harold Kaija

Omukunzi wa FDC attiddwa mu...

AKULIRA okukunga abantu mu kibiina kya FDC mu disitulikiti y'e Lyantonde bamusse ne kireka ebibuuzo ku bigendererwa...

Minisita Namugwanya (mu kyenvu) n’omubaka Hussein (ku kkono) n’abamu ku bakulembeze abaalondeddwa.

Gavt. erondesezza akakiiko ...

GAVUMENTI erondesezza akakiiko ak'ekiseera ka bantu bataano mu St. Balikuddembe kagiyambeko okuddukanya akatale...

Amaka ga Kasango (mu katono) e Butabika mu munisipaali y’e Nakawa.

Obukama bwa Tooro buyingidd...

OLUVANNYUMA lwa ffamire okulemererwa okutuuka ku kukkaanya ku by'okuziika munnamateeka Bob Kasango eyafiira mu...

Florence Nabakooza bba Shafique Wangoli yakwatiddwa ng’ali lubuto.

Abaabulwako abaabwe olukala...

ABANTU abaabulwako abaabwe tebamatidde n'olukalala minisita w'ensonga z'omunda mu ggwanga Gen. Jeje Odong lwe yayajulidde...

Ku kkono; Hope Kitwiine, Mildref Tuhaise, Mercy Kainobwisho, Patience Rubagumya, Connie Kekihembo, Agnes Nandutu ne Irene Irumba.

Abakyala balaze ebirungi by...

ABAKYALA abali mu bifo by'obukulembeze mu by'obusuubuzi balaze okusomoozebwa abakazi kwe bayiseemu olwa corona...