TOP

KIU bukya luba nga lwa mmindi etimpudde City Oilers

Added 3rd June 2018

TTIIMU ya KIU Titans yeggyeeko ekikwa kya sizoni ssatu nga tewangula City Oilers mu liigi ya Basketball bwe yafunye obuwanguzi ku Lwokutaano bwa bugoba 72-57 ku kisaawe kya YMCA e Wandegeya.

 City Oilers mu Kamyufu nga bubeefuka ne KIU

City Oilers mu Kamyufu nga bubeefuka ne KIU

Bya GERALD KIKULWE

MU BASKETBALL KU WIIKENDI

JKL Dolphins 50-46 UCU  Lady Canons

KIU Titans 72-57 City Oilers

KIU yanyize bannantameggwa ba National Basket ball League emirundi  5 egy’omudiring'anwa aba City Oilers  ebitoliro mu busungu obw’ekitalo n’ebasuuza likodi gye baabadde bakuumidde sizoni 3 nga tebawangulwa Titans okuli n’okubalemesa ekikopo kya sizoni ewedde bwe baabakubira ku Fayinolo enzannya 4-0.

Ku mirundi etaano City Oilers gy’emaze nga yeefuze ekikopo kya Basketball, ebadde ekiwangula ng’ekubiddwaamu omulundi gumu gwokka, wabula  ku luno nga sizoni yaakatandika baakakubwa emirundi ebiri ekyeraliikirizza abawagizi nti ekikopo kyandibayita mu myagaanya gy’engalo.

“Tumaze ebbanga nga twetamiddwa ejjoogo lya City Oilers gye tuli, naye kino kitegeeza nti tuli ku Kikopo oluvannyuma lw’okukuba kyampiyoni era tetugenda kudda mabega,” Brian Wathum atendeka KIU Titans bwe yategeezezza.

Micheal Bwanga owa KIU yafuuse omuzannyi w’olunaku bwe yakoze obubonero 19 ne Libawundi 9 n’addirirwa Denis Balungu ne Sam Agutu ku bubonero 13 ku 12.

More From The Author

Emboozi z’omuwandiisi endala

Emboozi endala

Omusajja yansuulawo ng'omwa...

Nze Scovia Twetise 28, mbeera Bulamu-Gazaya, Texas. Mu 2005, nalina emyaka 15 omusajja yantuukirira n’ahhamba nti...

Eyagenda okusoma ddiguli e ...

Talina mpapula kw’akolera era agamba tasobola kudda kubanga bw’adda taddayo

Abatudde okuva ku kkono; Godfrey Nyola, Saul Kizito, Isaac Ngobya ne Pasita Paul Musisi ate abayimiridde okuva ku kkono; Kennedy Lubogo, Edward Baguma, Jimmy Ssekandi

Aba 'Former Footballers In...

Abaaguzannyako abaabaddewo kuliko; Saul Kizito (Nile FC), Isaac Ngobya (Bell), aba Express okuli Kennedy Lubogo,...

Kamaanyi eyatolosa Ssekabak...

Dan Kamaanyi, eyatolosa ssekabaka Muteesa II ekibabu kya Milton Obote eyalumba olubiri mu 1966 ng'ayagala okumutta,...

Muyigire ku bajulizi abakki...

MUK'OMULABIRIZI wa West Buganda Can.Elizabeth Julia Tamale y'ayigirizza mu kusaba okw'okujjukira abajulizi ba...