TOP

Liverpool eri ku mulamwa gwa kuwangula Premier

Added 6th August 2018

Mu mwaka gumu gwokka, Liverpool emenye likodi bbiri ez’omupiira.

Yagula Van Djik mu Southampton ku pawundi obukadde 75 n’afuuka omuzibizi asinga ebbeeyi, sso nga omwezi oguwedde, yaguze Allison Becker pawundi obukadde 65, nga kati ye mukwasi wa ggoolo asinga bbeeyi mu nsi yonna.

Omutendesi Jurgen Klopp 51, yajja mu Liverpool mu 2015 era waliwo abamukontoleddewo nti ssente ze zonna zigenda kufa ttogge nti talina kikopo kya muzinzi kye bagenda kuwangula. Waliwo abakimussaako nti wa kisiraani kuba awanguliddwa nnyo ku fayinolo.

Mu 2017, yakubwa Sevilla ku fayinolo ya Europa sso nga sizoni ewedde, yawanguddwa Real Madrid ku fayinolo ya Champions League.

Okujja mu Liverpool mu 2015, Klopp yasikira Brendan Rodgers era ttiimu gye yasangawo yakola bubi n’emalira mu kyamunaana mu Premier.

Mu sizoni ye esooka enzijuvu (2016-17), Liverpool yamalira mu kyakuna ng’ekifo kye kimu kye yakutte sizoni ewedde. Obubonero bwonna bulaga nti Liverpool erinnye nnyo omutindo bukya Klopp agikwatamu.

Mu sizoni ya 2016/17, Coutinho ne Sadio Mane, abaasinga okuteebera Liverpool baalina ggoolo 26 omugatte sso nga Diego Costa ne Eden Hazard abaasinga okuteebera kyampiyoni Chelsea, baalina 36.

Sizoni ewedde, Klopp yaleeta Salah era ye ne Firmino, baateebye ggoolo 47 sso nga Aguero ne Sterling aba kyampiyoni Man City baateebye 39.

Bwino ono yenna alaga nti Liverpool eremwa ebikopo lwa kuteebwa nnyo naye nga yo ggoolo eziteeba.

Okujja kwa Van Dijk kwaggumizza ekisenge kyokka nga bwe twalaba ku fayinolo ya Champions League n’emipiira egisinga mu Premier, omukwasi wa ggoolo ye yakubyanga Liverpool.

Klopp bwe yeekuula pawundi obukadde 65 n’agula omukwasi wa ggoolo, okakasizza ddala nti ali ku mulamwa.

Takomye ku kugumya kisenge na miti gya ggoolo, naye ne ttiimu agyongeddemu Naby Keita, Shaqiri ne Fabinho.

Salah, Firmino ne Mane bwe kubaako alwala, Shaqiri oba Strurridge alabika ng’akomyewo ku mutindo, basobola bulungi okujjuza ebifo byabwe. Liverpool ejja kuwangulayo ekikopo eky’omuzinzi sizoni eno.

kkawuma@newvision.co.ug 0772371990

More From The Author

Emboozi z’omuwandiisi endala

Emboozi endala

Abakristu nga basaba RDC Jjemba (owookubiri ku kkono) ennamba y’essimu ye oluvannyuma lwa Mmisa e Nangabo.

RDC agumizza ab'e Kasangati...

OMUMYUKA wa RDC atwala Kasangati, Nansana ne Makindye Ssaabagabo, Moses Jjemba agumizza abatuuze ku kibbattaka...

Minisita Muyingo n'abamu ku bakulira amasomero. Baali bava mu lukung'aana olumu gye buvuddeko.

Minisitule y'Ebyenjigiriza ...

MINISITULE y’ebyenjigiriza ezzeemu okwekenneenya n’efulumya ebiragiro ebipya ng’abayizi ba P6, S3 ne S5 nga baddayo...

Allan Bukenya ng’alaga ennyama ense.

Kola ebyokulya mu nnyama en...

OSOBOLA okukola ebyokulya eby'enjawulo mu nnyama ense eri ku mutindo n'ogaziya bizinensi y'okuliisa abantu. ...

Emmotoka etadde ebitongole bya Gavumenti mu kaseera akazibu ku ngeri gye yayingira mu ggwanga.

Ebizuuse ku mmotoka ya Bobi...

EMMOTOKA ya Kyagulanyi gye yayanjulidde abawagizi be n'abategeeza nti teyitamu masasi aleese akasattiro mu bitongole...

Akalippagano ku nkulungo y’e Naalya.

▶️ Abakozesa Northern By ...

ABANTU abakozesa oluguudo lwa Northern By Pass balojja akalippagano k'ebidduka akali ku luguudo luno okuva bwe...