TOP
  • Home
  • Ebirala
  • She Cranes etandise na buwanguzi mu z'Afrika e Zambia

She Cranes etandise na buwanguzi mu z'Afrika e Zambia

Added 15th August 2018

TTIIMU y’eggwanga eyokubaka “She Cranes” etandikidde mu ggiya okweddiza ekikopo kya 2018 African Netball Championship bw’ewuttudde Namibia ku bugoba 72-47 mu nsiike yaabwe eyagguddewo ku Kisaawe kya Youth Olympic Center e Zambia.

Bya GERALD KIKULWE

Ogwazannyiddwa mu African Netball Championsip

Namibia 47-72 Uganda

Egiddako

Uganda - Malawi (lwakusatu)

Uganda - Kenya (Lwakuna ku makya)

Uganda – Botswana (Lwakuna lwaggulo)

Zambia – Uganda (Lwakutaano)

Uganda - Zimbabwe (Lwamukaaga)

TTIIMU y’eggwanga eyokubaka “She Cranes” etandikidde mu ggiya okweddiza ekikopo kya 2018 African Netball Championship bw’ewuttudde Namibia ku bugoba 72-47 mu nsiike yaabwe eyagguddewo ku Kisaawe kya Youth Olympic Center e Zambia.

Uganda yalaze ennyonta okuva ku ntandikwa bwe yamazeeko ekitundu ekisooka n’obugoba 40-24 era teyaddiridde ate omutendesi Vicent Kiwanuka bwe yacuusizza Rachael Nanyonga, Ruth Meeme, Kapiteeni Peace Proscovia, Lilian Ajio ne Silvia Nanyonga mu kitundu ekyokubiri n’abasikiza Betty Kiiza, Stella Oyella, Mary Nuba, Muhayimuna Namuwaya ne Joan Nampungu olwo ne gujabagira.

Zino ze mpaka ezigendereddwaamu okufunako ttiimu bbiri ezineegatta ku South Africa ne Malawi okukiikirira olukalu lwa Africa mu z’ensi yonna “2019 National Netball World cup” ezinaayindira mu kibuga Liverpool ekya Bungereza.

Kapiteeni Peace Proscovia yabadde wankizo nnyo era ye yasinze okukola obungi (40) naddirirwa Stella Oyella(15) Rachael Nanyonga (10) ne Mary Nuba(7).

Vicent Kiwanuka omutendesi wa She Cranes ng’ayita ku mukutu gwe ogwa twitter yategeezezza nga bwe batera okusanga obuzibu okuwangula ensiike esooka mu mpaka zino naye ku luno Mukama abagonderezza ensonga.

 

More From The Author

Emboozi z’omuwandiisi endala

Emboozi endala

Omulimu gw'okuddaabiriza Nk...

Abaasomerako ku ssomero lya Nkumba P/S bayingidde omutendera ogw'okusatu mu kuddaabiriza ebizimbe ku ssomero lino...

UGANDA EKWATA KISOOKA MU AF...

OMUWANDIISI w'enkalakkkalira mu minisitule y'ebyobulamu Dr Diana Atwine abugaanye essanyu oluvanyuma lw'okufuna...

Joseph Nuwashaba ng'atwalibwa mu kkooti

Eyakwatibwa ku by'omwana ey...

Omusajja agambibwa okutemako omwana Faith Kyamagero ow'emyaka 4 omutwe aleeteddwa mu kkooti.

Omwana eyasalibwako omutwe ...

Omwana eyasalibwako omutwe e Masaka ne bagutwala ku Palamenti aziikiddwa

Ssebbumba eyakubiddwa lwa bubbi

Abadde mu jjaamu e Kawempe ...

Abadde mu jjaamu e Kawempe bamukubye mizibu