TOP

Akakiiko ka NCS katabukidde abeebikonde

Added 5th September 2018

Akakiiko akaddukanya emizannyo mu ggwanga katadde abakulira ebikonde ku nninga, ku bazannyi ababula buli lwe bagenda okwetaba mu mpaka ez'enjawulo

Simon Barigo (ku kkono) ssaabawandiisi wa UBF, Moses Muhangi pulezidenti w'ekibiina kino, David Katende omumyuka wa ssaabawandiisi wa NCS ne Sulaiman Ssenyonjo omwogezi wa UBF, mu lukung'aana lwa bannawulire

Simon Barigo (ku kkono) ssaabawandiisi wa UBF, Moses Muhangi pulezidenti w'ekibiina kino, David Katende omumyuka wa ssaabawandiisi wa NCS ne Sulaiman Ssenyonjo omwogezi wa UBF, mu lukung'aana lwa bannawulire

Bya FRED KISEKKA

 

AKAKIIKO akavunaanyizibwa ku mizannyo mu ggwanga aka NCS, katadde abakungu b’ekibiina ekiddukanya ebikonde mu ggwanga ku nninga, bannyonnole ku bakubi b’ebikonde ababulira mu mawanga g’e Bulaaya nga bagenze okwetaba mu mpaka ez’enjawulo.

Kino kiddiridde omuzannyi John Fisher Odoch okubulira mu Hungary ttiimu y’eggwanga ey’abato gye yabadde egenze okwetaba mu mpaka za ‘World Youth Boxing Championships ezaabadde mu kibuga Budapest wakati wa August 21 ne 31.

Amyuka ssaabawandiisi wa NCS ku nsonga z’ekikugu, David  Katende yalagidde UBF okukola  lipoota ng’ennyonnyola  lwaki abakubi badduka buli lwe bagenda mu mpaka.

John Fisher Odoch eyabulidde mu Hungary

 

“Twagala lipoota  kubanga ekikolwa kino kittattana erinnya ly’eggwanga laffe,” Katende bwe yagambye.

Pulezidenti wa UBF, Moses Muhangi, yannyonyode nti baawandiikidde poliisi y’ensi  yonna ku nsonga eno era baakukolagana nayo bakomyewo Odoch ku buwaze.

Abazannyi abalala abazze babula nga bagenze mu mpaka ez’enjawulo kuliko; Nair Bashir ne Reagan Ssimbwa abaabulidde mu mizannyo gya Commonwealth egyabadde mu kibuga Gold Coast ekya Australia mu May, Kasim Ouma eyaddukira mu Amerika mu 1999, Sharif Bogere  (2006), Phillip Adyak, Eddie Akora mu mwaka gwe gumu, Andaman Daku, Martin Mubiru, Sula Segawa, Atanus Mugerwa, Naser Bukenya, Fazil Juma, David Ayit, Geoffery Kakeeto, Muzamir Kakande n’abalala.

 

More From The Author

Emboozi z’omuwandiisi endala

Emboozi endala

Katikkiro Mayiga awabudde A...

KATIKKIRO wa Buganda, Charles Peter Mayiga awabudde Abasumba b'Abalokole okukomya okwerumaaluma. Yabadde agenze...

Ssennyonga musajja wa buggy...

Endiga z'omugenzi Augustine Yiga katono ziffe essanyu bwe zirabye ku musajja wa Katonda Bro. Ronnie Makabai owa...

Ab'e Kawempe balaajanye ku ...

okulaajana kuno baakukoze oluvannyuma lwa Ahmed Lukwago eyeegwanyiza ekifo ky’obwa kkansala bw’omuluka guno okukulemberamu...

Wakayima atangaazizza ku mp...

"Nze Wakayima Musoke Hannington Nsereko era abo abatidde akalulu bakkakkane kuba ffirimbi yavugga dda Kati tulinze...

Ennyumba y'oku kiggya abamu ku b'Engabi gye baagala Yiga aziikibwe. Ebifaananyi bya JOHN BOSCO MULYOWA

Abengabi beeyawuddemu ku by...

ABAKADDE b’ekkanisa ya Pasita Abizzaayo Yiga eggulo baatudde mu lukiiko olw’amangu olw’enkaayana ezaabaluseewo...