TOP
  • Home
  • Ebikonde
  • Minisita Bakkabulindi asabye abeebikonde okutabagana

Minisita Bakkabulindi asabye abeebikonde okutabagana

Added 10th September 2018

Minisita w'Emizannyo,Charles Bakkabulindi asabye abaddukanya ebikonde mu ggwanga okutabagana basobole okubitwala mu maaso.

 Maj Gen Elwelu (ku kkono), Hounch, Bakkabulindi ne Uhuru

Maj Gen Elwelu (ku kkono), Hounch, Bakkabulindi ne Uhuru

 

MINISITA w’Emizannyo Charles Bakkabulindi asabye abakulembeze b’ebikonde mu ggwanga okukomya entalo ezisensedde omuzannyo kubanga ziguviiriddeko okusereba. Yabadde mu ttabamiruka w’ekibiina kya ‘Africa Boxing Union Convetion’ eyategekeddwa  Uganda ku Hotel Africana.

Minisita yawadde Salim Uhuru akulembera ekibiina kya Uganda Professional Boxing Council (UPBC) ne Moses Muhangi owa Uganda Boxing Federation ‘UBF’ ekiddukannya ebikonde by’abakyakayiga, balwane bwezizingirire bayimuse ebikonde, bisobole okudda ku maapu nga bwe gwali mu myaka egyayita.

“Kya nnaku nti ebikonde kati tubimanyi ng’omuzannyo ogujjuddemu okusika omuguwa kuba  tuwulira ababitwala mu kkooti, ekintu ekikyamu. Nsaba mmwe ababikulembera okulwana n’amaanyi entalo zino muzituule ku nfete,” Bakkabulindi bwe yagambye.

Pulezidenti w’ekibiina kya ABU ekitwala ebikonde mu Afrika, Houcine Hounchi yasabye amawanga 11 egeetabye mu ttabamiruka ono okukolera awamu okulaba nga ebikonde by’eyongera amaanyi mu Afrika.

Maj.Gen Peter Elwelu eyakiiridde ssaabaddumizi w’eggye lya Uganda, David Muhoozi yasabye abakulembeze b’ebikonde okukola buli kisoboka okuddamu okubyagaaza abawagizi.

(Fred Kisekka ne Silvano Kibuuka)

More From The Author

Emboozi z’omuwandiisi endala

Emboozi endala

UNEB ewadde abayizi wiiki 5...

MINISITULE y’ebyenjigiriza ewadde abazadde n’abayizi omwezi gumu okusasula ssente z’ebigezo n’okwewandiisa okukola...

Trump ne Biden

Omugagga asasulidde abasibe...

OMUSAJJA bifeekeera, omu ku basinga obugagga mu Amerika akutte doola obukadde 16 n’asasulira abasibe 32,000 engassi...

Abawagizi ba Rukutana nga bajaganya

Engeri ebya Rukutana gye bi...

EBY’OBULULU bw’e Rushenyi bikyuse minisita Mwesigwa Rukutana bw’alangiddwa ng’eyawangudde akalulu k’essaza lino...

Omuyimbi Pia Pounds yeekokk...

Sheilah Gashumba kirabika kati ye yeekwatiramu mu kukuba ebifaananyi

Malokwezza ne mukazi nga bajaganya

Tofiri Malokweza (92): Ayog...

Bw’OLABA omuntu ow’emyaka 92 tolemwa kutendereza Katonda ate ng’eno bwe weebuuza ekyama kye ekimusobozesezza okuwangaala....