TOP

Engeri Susan Muwonge gy'alidde engule ya mmotoka z'empaka

Added 12th November 2018

Mu mpaka ezaawedde eggulo e Mbale, Super Lady (musomesa), yawangudde Mbale Rally bwe yavugidde essaawa 01:33:38 n’aweza obubonero 395 olwo n’ayisa Jas Mangat, ataazeetabyemu, ne Ronald Ssebuguzi eyawanduse ku Lwomukaaga.

 ‘Super Lady’ Susan Muwonge ne Edmond Kyeyune amusomera maapu nga bajaganya

‘Super Lady’ Susan Muwonge ne Edmond Kyeyune amusomera maapu nga bajaganya

Bya NICHOLAS KALYANGO

OLUVANNYUMA lw’emyaka esatu nga tavuga mmotoka za mpaka, ‘Super Lady’ Susan Muwonge alaze abasajja nti si mmere bw’abawanguddeko engule y’eggwanga (NRC) ey’omwaka guno.

Eno engule yaakubiri ng’eyasooka yagitwala mu 2011.

Mu mpaka ezaawedde eggulo e Mbale, Super Lady (musomesa), yawangudde Mbale Rally bwe yavugidde essaawa 01:33:38 n’aweza obubonero 395 olwo n’ayisa Jas Mangat, ataazeetabyemu, ne Ronald Ssebuguzi eyawanduse ku Lwomukaaga.

Mangat yazeebalamye ng’agamba nti waliwo abaamukiikidde ensingo olw’ekibiina ekitwala omuzannyo guno (FMU) okusala ku Ssebuguzi obubonero bwe yafuna mu Pearl Rally olw’obutaba na ttanka empya (FT3 Safety tanks).

Kino kyaggye Ssebuguzi ku ntikko n’asikirwa Mangat.

Ssebuguzi, eyabadde atunuuliddwa okuwangula Mbale Rally, yabadde yaakavugako kiromita nnya mu lukontana olwagguddewo ku Lwomukaaga, mmotoka n’emufaako.

 

Abawagizi be beekanze Super Lady abayisaako Subaru, n’addirirwa Hassan Alwi ssaako Christakis Fitidis olwo abatawagira Ssebuguzi ne batandika okubiibya nga bwe bagamba nti ‘Katonda talya nguzi’. Okuwangula engule ya NRC, Super Lady yabadde yeetaaga kumalira mu kyakutaano ate Alwi ng’alina kuwangula ate asabirire Muwonge aleme kumalako.

EBIYAMBYE SUPER LADY

Amanyi okubala omuzannyo; Okwawukana ku bavuzi abalala, Muwonge yamanya nti alina kwekuumira mu bifo eby’oku mwanjo. Okuva sizoni lwe yatandika talina mpaka z’awangudde kyokka ng’abadde tasukka bifo bina ebisooka. Abavuzi abamu bawanduka lwa kwepima mu sipiidi z’abo be batasobola ekireetera mmotoka zaabwe okufa.

Omukisa; Mu kusooka, Unissan Bakunda eyandimulemesezza engule, mmotoka ye yayonooneka n’asubwa empaka za mirundi esatu. Mu z’e Mbale, emivuyo gya FMU gyamuggyiddemu Mangat ate ne Ssebuguzi n’awanduka.

Bamakanika abalungi; Yakansa muvuzi munne, Fred Wampamba, omu ku basinga okukanika Subaru mu Uganda. Muwonge tawanduseeko mu mpaka. Mmotoka ya Muwonge eno, Omuzambia Mohammad Essa mwe yawangulira engule ya Afrika mu 2012.

Obutayosa mpaka; Tewali mpaka ku kalenda ya sizoni eno Super Lady z’asubiddwa.

More From The Author

Emboozi z’omuwandiisi endala

Emboozi endala

Omumyuka wa Pulezidenti wa FDC Joyce Ssebuggwawo (ow’okubiri ku ddyo) ng’atongoza akakiiko k’ekibiina akagenda okuyigga obululu bwakyo mu Kampala ne Wakiso.

FDC etongozza akakiiko akan...

FDC etongozza akakiiko akagenda okunoonyeza abantu baayo akalulu mu Kampala ne Wakiso n’etegeeza nti Col. Kiiza...

Shakira Bagume ng'ayonsa bbebi we

Laba okusoomooza bamaama ab...

Okuyonsa abaana kyankizo nnyo eri abaana abawere era Maama yenna ateekeddwa okuyonsa kino kisobozese omwana okukula...

Aba LDU bazzeemu okukola eb...

ABASERIKALE b’eggye ekkuuma byalo erya LDU, bazzeemu okukola ebikwekweto okufuuza abateeberezebwa okubeera abamenyi...

Poliisi ng'eggyawo omulambo gwa Mukiibi

Omusuubi w'e Nakulabye yeek...

OMUSUUBUZI w’e Nakulabye omututumufu aguze amafuta ga petulooli ne yeekumirako omuliro mu kinaabiro emisana ttuku...

Abeegwanyiza entebe y'obwap...

EBBUGUMU lyeyongedde ku kitebe ky’akakiiko k’ebyokulonda abantu abeegwanyiza entebe y’obwapulezidenti bw’eggwanga...