TOP

Owa Spurs yejjusa okulonda ttiimu obubi

Added 3rd December 2018

Arsenal ewangudde Spurs ku Emirates mu mipiira ebiri ku esatu egisembye okuzannyirwa ku Emirates.

 Granit Xhaka owa Arsenal (ku ddyo) ng'attunka ne Eriksen owa Spurs.

Granit Xhaka owa Arsenal (ku ddyo) ng'attunka ne Eriksen owa Spurs.

OMUTENDESI wa Spurs, Mauricio Pochettino agambye nti yakoze ensobi okuleka Toby Alderweireld ku katebe ku mupiira Arsenal mwe yabakubidde ggoolo 4-2.

Arsenal yakubye Spurs ku Ssande n’edda mu kyokuna era nga kati erina kulwana nnyo okulaba ng’eddamu okulinnyisa omutindo okulaba ng’edda mu bana abasooka.

Mu nnamba ya Alderweireld, Pochettino yasoosezzaamu musaayimuto Juan Foyth kyokka omutindo gwe tegwabadde mulungi bw’ogeraageranya omutindo abazannyi ba Arsenal kwe baabadde.

Pochettino omutendesi wa Spurs yejjusa.

 

Kino kyavuddeko Arsenal okubava emabega n’ebakuba ggoolo ssatu ezaabalemesezza okuwangula omupiira guno gwe baawummudde ekitundu ekisooka nga bakulembedde ggoolo 2-1.

Ensobi ezaakubizza Spurs ezimu zaavudde mu kisenge era omuzibizi waayo Jan Vertonghen n’aweebwa kaadi emmyuufu mu ddakiika y’e 85.

Spurs ekyaza Southampton ku Lwokusatu mu Premier, omupiira gw’erina okuwangula okulaba ng’edda mu bifo ebina ebisooka.

Mu ngeri y’emu, Arsenal ekyalira ManU ku Old Trafford olunaku lwe lumu nayo ng’erina okuwangula omupiira guno mu buli ngeri okulaba nga yeenywereza mu kifo kyokuna.

More From The Author

Emboozi z’omuwandiisi endala

Emboozi endala

Kabaka tebagenda kumukongoj...

KABAKA Mutebi II si wakukongojjebwa ng’Obuganda bukuza amatikkira ge ag’omulundi ogwa 27 olw’okutya okusasanya...

Ow'emifumbi eyagobeddwa mu ...

OMUZANNYI w’emifumbi Geoffrey Lubega eyagobeddwa mu nyumba olw’okulemererwa okusasula ensimbi z’obupangisa adduukiriddwa....

Empaka za FEASSSA zisaziddw...

OMUKISA gwa Uganda okulwanirira okweddiza ekikopo ky’emizannyo gy’amasomero ga ssiniya ag’obuvanjuba bw’Afrika...

Nankabirwa ng'asanyusa bato banne

Omuyimbi muzibe asaba kuvuj...

BYA SOPHIE NALULE Angel Nankabirwa ow'emyaka 12 bw'omuwulira ng'ayimba ku muzindaalo odduka mbiro otere esange...

Kabineeti eteesezza okuggul...

KABINEETI eggulo yateesezza ku kuggulawo akeedi n’ebirina okussibwa mu nkola nga ziggulwawo.