TOP
  • Home
  • Mupiira
  • Abemmemba beekengedde Abekinyomo mu Bika

Abemmemba beekengedde Abekinyomo mu Bika

Added 14th July 2019

Omutendesi wa Mmambe Kakoboza alabudde abazannyi be ku Kinyomo kye bazannya mu gy'Ebika

 Disan Galiwango (ku ddyo), owa Kakoboza ng'asala'omuzibizi w'Engabi Ensamba, Charles Lubega gye buvuddeko

Disan Galiwango (ku ddyo), owa Kakoboza ng'asala'omuzibizi w'Engabi Ensamba, Charles Lubega gye buvuddeko

Mmande mu gy'Ebika;

Kakoboza - Kinyomo

Ogwazannyiddwa

Kkobe 1-0 Nsenene

OMUTENDESI w'Emmamba Kakoboza, Mohammad Kiberu, alabudde abazannyi be obutanyooma ttiimu ya Kinyomo kuba erina obusobozi obubawandula mu mpaka z'Ebika.

Bino yabyogedde yaakamala okukola amaliri 3-3, ne ttiimu ya Galaxy FC e Lungujja, mu gumu ku mupiira gwe yabadde ageresezaamu abamu ku bazannyi be n'okufuna ekifaananyi kya ttiimu gy'asuubira okutandisa ku Mmande bwe banaaba battunka n'Ekinyomo e Wankulukuku, mu luzannya olusooka olwa ttiimu 16.

"Buli muzannyi ateekeddwa okuyingira ekisaawe n'ekigendererwa ky'okufiirawo okulaba nga tufuna obuwanguzi kubanga tewali ttiimu  etuuse wano a nnafu", Kiberu bwe yategeezezza ng'omupiira gwa kaggwa.

Abeekinyomo, nga bakulembeddwaamu George William Ssenyomo, maneja, basuubizza okutuusa ku Kakoboza, ekintu kye kimu kye baakola Endiga.

 ayongo ku ddyo nomuwagizi wkkobe omulala mu ssanyu Kayongo (ku ddyo) n'omuwagizi w'Ekkobe omulala, mu ssanyu

 

Mungeri y'emu, Ekkobe ly'akubye Enseenene ggoolo 1-0, ne liwa abawagizi baayo abakulembeddwa Paul Kayongo (eyaliko maneja), essanyu lya mirundi ebbiri; okuwangulira mu mujoozi omupya ogwabadeko ekifaananyi kya Namwama, n'eryokuwangulira ku butaka bwalyo e Buwama.

Badding'ana nga July 23, e Kasana mu Luweero.

More From The Author

Emboozi z’omuwandiisi endala

Emboozi endala

Shakira Bagume ng'ayonsa bbebi we

Laba okusoomooza bamaama ab...

Okuyonsa abaana kyankizo nnyo eri abaana abawere era Maama yenna ateekeddwa okuyonsa kino kisobozese omwana okukula...

Aba LDU bazzeemu okukola eb...

ABASERIKALE b’eggye ekkuuma byalo erya LDU, bazzeemu okukola ebikwekweto okufuuza abateeberezebwa okubeera abamenyi...

Poliisi ng'eggyawo omulambo gwa Mukiibi

Omusuubi w'e Nakulabye yeek...

OMUSUUBUZI w’e Nakulabye omututumufu aguze amafuta ga petulooli ne yeekumirako omuliro mu kinaabiro emisana ttuku...

Abeegwanyiza entebe y'obwap...

EBBUGUMU lyeyongedde ku kitebe ky’akakiiko k’ebyokulonda abantu abeegwanyiza entebe y’obwapulezidenti bw’eggwanga...

Dodoviko (aliko ssaako) ne banne ku mukolo ogumu.

Ebipya ebizuuse ku Dodoviki...

DODOVIKO Mwanje gwe balumiriza okumenya ekkanisa bongedde okumufunza! Lt. Col. Edith Nakalema olwamaze okukwata...