TOP

Shafiq Bisaso agudde mu bintu

By

Added 15th August 2019

Shafiq Bisaso abadde atendeka Proline agenze Sweden kwongera kubangulwa

 Bisaso(ku kkono) ng'aliko by'afalaasira abazannyi

Bisaso(ku kkono) ng'aliko by'afalaasira abazannyi

NGA  Proline yeetegekera  okudding'ana ne Masters Security  mu CAF Confederations Cup, abakungu baayo basindise abadde omutendesi Shafik Bisaso, e Sweden okwongera okubangulwa.

Ku Lwokusatu, Proline yakubiddwa ggoolo 5-4 eza paneti, mu mpaka za ‘Pisner Super 8' ez'okulwanira ebifo (5-8), nga mu ddakiika 90 baasose kulemagana  1-1. Kati Proline yaakwambalagana ne Tooro United nga balwanira anaakwata ekyomusanvu, sso nga URA erinze Wakiso okuvuganyiza ku kyokutaano.

Bisaso asindikiddwa mu Eskilsmine FC ey'ekibinja ekyokuna mu liigi y'e Sweden gy'anaamala emyaka ebiri ng'abangulwa wansi w'abatendesi baayo, n'oluvannyuma akomewo akwatagane n'abatwala Proline okulaba nga bagiteeka ku mutindo gw'ensi yonna.

"Kino tekigudde bugwi. Ttiimu emaze emyezi egiwerako ng'ekifumba okutuusa lwe kyawedde," Bisaso eyabadde mu mitambo gya ttiimu eno omulundi ogusembayo ku Lwokusatu, bwe yategeezezza.

"Eskilsmine FC yatuwadde omukisa okusindikayo omutendesi omu, era twabadde tetusobola kwekiika mu kkubo lya Bisaso," Mujib Kasule, nnannyini Proline bwe yategeezezza.

Baker Mbowa ne Isa Sserwanja be basigadde mu mitambo gya ttiimu eno okutuusa ng'erangiridde ekiddako.

Emboozi z’omuwandiisi endala

Emboozi endala

Fr.Tamale

Fr. Tamale waakuziikibwa Bu...

Fr.  Joseph Tamale 39 afudde oluvannyuma lw'okutawaanyizibwa ekirwadde kya Puleesa n'ensigo. W'afiiridde, abadde...

Omutaka Gabunga, Mubiru  (wakati) ne Benon  Kibuuka (ku ddyo) ng'abasabira omwoyo gwa Ssaabasumba e Lubaga.

Bannaddiini musse ekitiibwa...

OMUTAKA Gabunga,Mubiru Zziikwa owookubiri, asoomoozezza Bannaddiini ku kussa ekitiibwa mu buwangwa n'Ennono. ...

Betty Maina (ku kkono) , minisita Oryem ne Amelia Kyambadde oluvannyuma lw'okussa omukono ku ndagaano.

Gavt. ya Uganda ne Kenya zi...

GAVUMENTI ya Uganda ne Kenya zitadde omukono ku ndagaano egendereddwaamu okumalawo emiziziko egibaddewo wakati...

Lukyamuzi ne Kasibante.

Lukyamuzi ne Kasibante bavu...

ABALWANIRIZI b'eddembe ly'obuntu bawakanyizza emisolo emipya gavumenti gy'ereeta mu mbalirira y'ebyensimbi ey'omwaka...

Abasiraamu nga basimba ekipande ku poloti eyassibwa ku ttaka ly'Omuzikiti  e Kiyunga mu Mukono era ekifo baakyeddiza.

Abasiraamu beddizza ettaka ...

ABASIRAAMU b'omu disitulikiti y'e Mukono abali wansi wa Mukono Muslim District Council batandise okweddiza ettaka...