TOP

Ebula ssaawa Arsenal ne Man United okweriga

Added 30th September 2019

LEERO (Mmande), Arsenal ekyalidde ManU mu Premier ng'ekigiri ku mwoyo kwe kukomya ejjoogo lyayo.

Mu mipiira 12 ttiimu zino gye zisisinkanidde ku Old Trafford, ManU tewanguddwaamu. Ekoze amaliri ga mirundi 4, n'okuwangula 8.

Arsenal essanyu yasemba kulifuna mu 2006 bwe yawangula ggoolo 1-0 eyateebwa Emmanuel Adebayor.

Unai Emery, atendeka Arsenal, yagambye nti embiranyi eri wakati wa ttiimu zombi agimanyi bulungi, era agenda kufuba okulaba ng'afunira ttiimu ye obuwanguzi.

Ttiimu zino zaabisanyiza ekikopo kya Premier okumala emyaka 10, nga Chelsea, Liverpool, Man City ne Tottenham tezinnaziyingiramu.

Wadde mu kiseera kino ManU ne Arsenal kye zisinga okulwanirira kya kumalira mu bana abasooka, Emery yagambye nti akimanyi ng'omupiira guno wonna we gutuukira buli ludda lubeera lugwesunze nga mbaga. " Ttiimu zino wonna we zisisinkanira bubeera bunkenke.

Nnalabanga ensiike zaabwe nga nkyali mu Spain era kyalinga kya muwendo nnyo.

Nkimanyi nti ku Mmande mu nsi yonna teri mupiira bawagizi gwe baagala kulaba okuggyako guno," Emery bwe yagambye, n'agattako nti bagenda kulwana okulaba nga batuukiriza ebigendererwa byabwe.

MAN UNITED

Omupiira guno we gutuukidde nga Arsenal esinga ku ManU ffoomu kubanga mu mipiira gyayo etaano egisembeyo mu mpaka zonna, tewanguddwaamu, sso nga ManU mu gusembyeyo mu Premier ekubiddwa West Ham 2-0, ssaako okusiitaana okuvvuunuka Rochdale mu Carabao Cup.

Ng'oggyeeko ekyo, bassita baayo abamu babuusibwabuusibwa olw'obuvune. Kuliko; Paul Pogba, Anthony Martial ne Marcus Rashford, era omutendesi Ole Gunnar Solskjaer, yategeezezza nti tayinza kukakasa nti bayinza okubeera mu mupiira gwa leero.

Guno gwe gumu ku mipiira egyongera okussa akazito ku Solskjaer, era akimanyi nti alina okuguwangula asobole okuzza emitima gy'abawagizi, n'okuggyawo endowooza nti ManU tagisobola.

MANYA BINO

Guno gwe mulundi ogwokusatu nga ttiimu zino zisisinkana ku Mmande mu Premier.

Mu gyasembyeyo baagwa maliri (1-1) mu January 2000 ate ManU n'eguwangula 1-0 mu 2010.

Teri ttiimu kuva mu kibuga London yali ewangulidde ManU ku Old Trafford emirundi ebiri egy'omuddirihhanwa, okuva mu December 2001 (Chelsea ne West Ham)

More From The Author

Emboozi z’omuwandiisi endala

Emboozi endala

Ab'e Kawempe balaajanye ku ...

okulaajana kuno baakukoze oluvannyuma lwa Ahmed Lukwago eyeegwanyiza ekifo ky’obwa kkansala bw’omuluka guno okukulemberamu...

Wakayima atangaazizza ku mp...

"Nze Wakayima Musoke Hannington Nsereko era abo abatidde akalulu bakkakkane kuba ffirimbi yavugga dda Kati tulinze...

Ennyumba y'oku kiggya abamu ku b'Engabi gye baagala Yiga aziikibwe. Ebifaananyi bya JOHN BOSCO MULYOWA

Abengabi beeyawuddemu ku by...

ABAKADDE b’ekkanisa ya Pasita Abizzaayo Yiga eggulo baatudde mu lukiiko olw’amangu olw’enkaayana ezaabaluseewo...

Paasita Bujjingo ng'agumya Jengo, mutabani w'omusumba Yiga

Ebiri mu katambi ka Paasita...

Ku Ssande nga October 25, 2020, Ssenyonga yasinziira mu kusaba mu kkanisa ye n’alumba abasumba ab’enjawulo omwali...

Paasita Ssennyonga ng'agugumbula Yiga mu lukung'aana lwa bannamawulire lwe yatuuzizza ku kkansisa ye

Okufa kwa Yiga kusajjudde e...

AKATAMBI Pasita Ssenyonga ke yakutte nga Yiga tannafa kongedde okusiikuula abasumba ne beetemamu ng’abamu boogerera...