TOP
  • Home
  • Mupiira
  • Vipers ewangudde n'erinnya ku ntikko ya liigi

Vipers ewangudde n'erinnya ku ntikko ya liigi

Added 22nd October 2019

Obuwanguzi Vipers bw'efunye ku BUL, bugiyambye okulinnya ku ntikko ya liigi ya Uganda.

 Frank Tumwesigye owa Vipers (ku kkono) ng'attunka ne Charles Sebutinde owa BUL mu gwa liigi e Kitende.

Frank Tumwesigye owa Vipers (ku kkono) ng'attunka ne Charles Sebutinde owa BUL mu gwa liigi e Kitende.

AKAWUNGEEZI ka leero ku Lwokubiri, Vipers ekubye BUL ggoolo 2-1 n'erinnya ku ntikko ya liigi ya Uganda eya StarTimes Uganda Premier League. Frank Tumwesige ‘Zaga'  ne Allan Kayiwa be baateebedde Vipers mu kitundu ekisooka ate Deogracious Ojok n'ateebera BUL. 

Mu mipiira emirala, omuzibizi wa KCCA FC, Mustafa Kizza ye yabadde omuzira wa ttiimu eno bw'agikubidde ggoolo egitakuluzza ku Maroons ebadde egifuukidde ekyambika.  Ggoolo ya Mustafa yazze mu ddakiika ya  90 ng'ayita mu kusimula peneti nga n'abawagizi ba ttiimu eno abamu batandise okufuluma ekisaawe mu busungu.


Omupiira gubadde mu kisaawe ky'amakomera e Luzira, KCCA mwe yasoosekodde  okulya empanga ng'eyita mu Mike Mutyaba mu ddakiika ya 42. Gwegenze mu kuwummula nga KCCA ekyagukulembedde era bwe bakomyeyo Mutebi n'akizuula nga yeetaaga okwongera okunyweza amakkati n'aggyayo Kizito Keziron eyabadde agenda ennyo mu maaso n'ayingiza Nicholas Kasozi okumugatta ku Gift Ali basobole okutangira obulungi abawuwuttanyi ba Maroons.


Mu ddakkika ya 55, Mutebi era yalabye bigaanyi kwe kusalawo okuggyayo Simon Sserunkuuma okumusikiza Erisa Sekisambu ayongera ku Sadati Anaku mu kulumba. Akakodyo kano, Mutebi tekasoose kumukolera kuba nga yaakayingiza Ssekisambu ate Solomon Walusimbi yakubidde Maroons ggoolo eyasirisizza abawagizi ba KCCA buli omu n'akwata ku mutwe. Wabula gwawedde ggoolo 3-1 nga KCCA ewangudde.
 

 

More From The Author

Emboozi z’omuwandiisi endala

Emboozi endala

Lubega akulembedde ne Amatos ku kkooti e Makindye.

Abaali bafera paasita basin...

ABASUUBUZI b'omu Kampala basindikiddwa mu kkomera lwa kugezaako kufera Paasita ssente ezikunukkiriza mu buwumbi...

Spice Diana asiibuludde aba...

Bya Mukasa Lawrence  ABAYIMBI okuli Spice Diana ne munne Fik Femaika bavuddeyo ne baduukirira abasiraamu ku...

Abakozi ba Rock bavudde mu ...

Bya Phoebe Nabagereka Abakozi mu kampuni ya Roko e Gerenge mu town council ye Katabi bekalakasiza nga balaga...

FDC evumiridde effujjo erik...

Bya Doreen Namaggala AMYUKA ssabawandiisi w'ekibiina ki FDC, Arnold Kaija asabye bannayuganda okukomya okutiisatiisa...

Abazigu balumbye ekigo ne b...

Abazigu ababadde n'ebijambiya, emitayimbwa saako ennyondo bazinze ekigo kya Kabulamuliro Catholic Parish, ne bamenya...